पेन हुपिस्‍ता पोल्‍लें 21:23 - पवित्र पोल्‍ले

²³ अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.

पेन हुपिस्‍ता पोल्‍लें 21:23 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मरकुस 8:38

बोगमतनमते, पापमते निंडिस मत्‍ता इद पीळितोर नड्‍डुम बोर अय्ते नाकुन, नावा पोल्‍लेन वेहालय सिग्गु अर्रंतोर, मनकना रूपमते पुटतोन नना बस्के अय्ते पवित्र दूतनतोनि, नावा बाबाना महिमाते वाकन, अस्‍के असोंटा मनकन नावोर इनालय ननागुडा सिग्गु अर्रंतन,” इंचि वेहतोर.

लूकाल 2:32

वेरे जातिनोर्क बेसता हर्रि हुप्‍सना वेल्‍गु, नीवा इस्राएल लोकुल्‍कुंक पेनदाहेंदाल दोर्कुता पेद्‍दातनम ओरे आंदुर.”

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 1:4

अदुन लोप्पो पिस्वर मत्‍ता. आ पिस्वरे अंटोर लोकुल्‍कुनाहाटीं वेलगु आता.

योहान 1:9

हरेक मनकंक निजमाता वेलगु हियानोर, इद दुनियाते वासेक मत्‍तोर.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

प्रेरितुल्‍कुना कबाह्‍क 22:11

आ जग्गरा वेल्‍गुन हूळसि नावा कळकु दिस्‍साकोंटा आतां. अदुनहाटीं नावा दंटातुर नाकुन कय पीसि दमिस्‍क सहरते ओतुर.

पेन हुपिस्‍ता पोल्‍लें 14:4

ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.

पेन हुपिस्‍ता पोल्‍लें 18:1

अद आता पजा नना उंदि पेनदा दूतातुन स्वर्गमताल हिळु रेयसेक मत्‍तद हूळतन, आ दूताक वेल्‍लेने अदिकारम हीसि मत्‍ता. दाना महिमाता वेल्‍गुने बूमिअंता जग्गरा आता.

पेन हुपिस्‍ता पोल्‍लें 21:11

अद सहर पेनदा महिमाता वेल्‍गुने निंडिस मत्‍ताहेंका दाना कांति यसब इनना वेल्‍लेन दाराता बंडालेसीं मेर्सेक मत्‍ता.

पेन हुपिस्‍ता पोल्‍लें 21:25

अद सहरते नर्का बस्‍केने आयो. अदुनहाटीं दाना गल्‍मां बस्‍केळ्‍क कुल्‍लाये मनंता.

पेन हुपिस्‍ता पोल्‍लें 22:5

अगा हीकट बस्‍केने मन्‍नो. ओर्कु पोळ्‍दु, वेडसि वेलगुना अव्‍सरम मन्‍नो. बारित्‍ते सामि पेनबाबाले ओर्कु वेलगु हियानुर. युगा-युगाल्‍कुनदाका ओरे राज्येम ताकसंतोर.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.

पेन हुपिस्‍ता पोल्‍लें 7:17

बारित्‍ते ईर अंटोर्कुन मेहानोर, राजगद्‍दे नड्‍डुम उद्‍दिस मनना गोर्रे पोरि आंदुर. ओर ईरकुन पिस्वरता एता उटानगा ओंतोर. पेन ओरा कळ्‍कुना कंडेह्कुन पुरागा उसमंता,” इंचि वेहतोर.