पेन हुपिस्‍ता पोल्‍लें 21:2 - पवित्र पोल्‍ले

² अस्‍के, पेनदागटाल पवित्र सहर पूना येरुसलेम, स्वर्गमताल हिळु रेयानद नना हूळतन. मरमिना पेडानाहाटीं, मरमिना पेगिड बल्हा तयार आंता, अल्हा अद सहर दिस्सेक मत्‍ता.

पेन हुपिस्‍ता पोल्‍लें 21:2 Iomraidhean Croise

योहान 3:29

मरमिन पेडल मत्‍तागेन मरमिन पेगिड मनंता. नना अय्ते मरमिन पेडाना पक्‍काते निलसि मनना ओना दंटागानसंटोन आंदुन. मरमिना पेडल बतलन्‍ना वेहते अद केंजसि आ दंटागाल वेल्‍लेन कूस आंतोर. ननागुडा अल्हेन, लोकुल्‍क ओनगा होननद हूळसि नना पुरागा कुसिते निंडसोत्‍तन.

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

इब्रि 11:10

बारित्‍ते, कुद्‍दु पेने सारे पीसि, पुनादि दोह्‍चि, बस्‍केळ्‍ताहाटीं निल्‍हाता सहरते मनालय ओर विस्वासमते एदुर हूळसेक मत्‍तुर.

इब्रि 11:16

दाना बदुलते ओर, होळसि वाता देसेमकन्‍ना एक्‍को बेसता देसेम, इत्‍ते ओराहाटीं पेन स्वर्गमते तयार कीसि इरता देसेमते होनना विचारमते मत्‍तुर. अदुनहाटीं पेन, ‘नना ओरा पेनदुन’ इंचि इनालय सिग्गु अर्रो.

इब्रि 12:22

गानि मिमेट अय्ते सियोन गुट्‍टातगा वातिट. जीवाते मनना पेनदा, स्वर्गमते मनना येरुसलेम सहर इदे आंद. कुसिते उंदगा जमा आता, लेक्‍का हिलुवच्‍चोन पेनदा दूतानगा मिमेट वातिट.

इब्रि 13:14

इद दुनियाते हमेसा मनालय मनाहाटीं बदे सहर हिल्‍ले. गानि वायाना कालमते मनाहाटीं तयार आयाना सहरते मनालय, आसेते मंतोम.

पेन हुपिस्‍ता पोल्‍लें 1:1

इव पोल्‍लें, वायाना कालमते बिरानेन जर्गानव आंदुं, इवुन येसु किरिस्‍तु ओना सेवाकुल्कुंक वेहना इंचि पेन ओन्क अप्पजेपता. अस्‍के येसु ओना उंदि दूतातुन योहान इनना वरोन सेवाकुनगा लोहचि, ओन्क रासालय वेहतोर.

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 11:2

गानि गुळिता पलाते दारातुन कहामा, अद यहुदि आयवोर्कुंक हीसि मंता. पवित्र सहरतुन नल्‍पै रोंडु नेल्‍लांदाका ओर जारांतुर.

पेन हुपिस्‍ता पोल्‍लें 21:10

अस्‍के आ दूता, नना पवित्र आत्माते निंडिसि मन्‍नेंके नाकुन उंदि पेद्‍दा एत्‍तु गुट्‍टापोर्रो ओता. ओसि, पेनदागटाल पवित्र येरुसलेम सहर स्वर्गमताल हिळु रेयानदुन नाकु हुपिस्‍ता.

पेन हुपिस्‍ता पोल्‍लें 21:9

पजा, एडुं वाटिने आकिरता एडुं गंडाल्‍कुन पीसि मत्‍ता एडुं दूतानाल उंदि दूता नहगा वासि, “हिक्‍के वा! नना नीकु मरमिना पेगिटुन, इत्‍ते गोर्रे पोरिना मुत्‍तोन हुप्‍संतन” इंचि इत्‍ता.

पेन हुपिस्‍ता पोल्‍लें 22:17

पेनदा आत्मा आनि मरमिना पेगिड, “हिक्‍के वा” इंचि वेहांता. केंजानोरगुडा, “वा” इंचि इन्‍निरकांटी. दूपा आसि मत्‍तोर बोरे आयिर इद पिस्वर हियना एतुन पुक्‍कटते उन्‍ना वच्‍चु.

पेन हुपिस्‍ता पोल्‍लें 22:19

अल्‍हेने ओक्‍कला बोरन्‍ना, इद पुस्तकमते रासि मत्‍ता मुन्‍ने जर्गाना पोल्‍लेनाल, बदन्‍ना पोल्‍लेतुन तक्‍को किय्‍यिना, इद पुस्तकमते वेह्‍चि मत्‍ता, पिस्वर हियना मरा आनि पवित्र सहरताल पेन ओना हिस्सातुन तेंडकुंता.

पेन हुपिस्‍ता पोल्‍लें 3:12

बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.