पेन हुपिस्‍ता पोल्‍लें 20:4 - पवित्र पोल्‍ले

⁴ मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 20:4 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

मत्‍तयाल 24:10

आ वेलाते बच्‍चटुरो विस्वासम कियानोर ओरा विस्वासम होळसंतुर. वरोंक-वरोर पगां आसि वरोंक-वरोर हयसाकोंटा आंतुर.

मरकुस 6:16

गानि हेरोद राजाल इदुन केंजसि, “बापतिस्मा हिय्यना योहानुना तल्‍ला नना कोय्यागोटतन, ओरे हातोराव्टेटाल मर्रा जीवाते तेदतोर,” इंचि इत्‍तोर.

मरकुस 6:27

अस्‍के राजाल, जेलते मत्‍ता योहानुना तल्‍ला कोय्‍सि ता इंचि वरोर सिपाइंक बिराना आदेस हीसि लोहतोर.

मरकुस 9:11

पजा ओर येसुन, “किरिस्‍तुंकन्‍ना मुन्‍ने, एलियाले वायमळ गावाले इंचि दर्मसास्‍त्रम कराहना गुरुल्क बारि इंतुर?” इंचि पूसकीतुर.

लूकाल 1:17

ओर, बाबुर्कुना मनसुन मर्क-मियाह्कुनहेके तिरहंतोर. पेनदा पोल्‍लें केंजवोर्कुन नीतिमंतुल्‍कुना तेल्वि दोर्किच्‍कुना वेहंतोर. सामि मीवा नड्‍डुम वायका मुन्‍ने सामिनाहाटीं लोकुल्‍कुन तयार कियालय ई पेडल एलियाहनगा मत्‍ता गुनम आनि ताकततोनि सामि वायना कबुरतुन सामि वायका मुन्‍नेन वेहांतोर,” इंचि इत्‍ता.

लूकाल 14:14

अस्‍के नीवा बाकि तीरसालय ओर नीकु बतल हिया पर्रुर. गानि पेनदा नदरते नीतिमंतुल्क मत्‍तोर हासि मर्रा जीवाते तेदतस्‍के पेनदाहेंदाल नीकु नीवा इनाम तप्‍पाकोंटा दोर्कंता.”

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

योहान 14:19

इंका कोन्‍नि रोजकु आता पज्जो, दुनियातोर नाकुन हूळा परुर, गानि मिमेट नाकुन हूळा परकिट. बारित्‍ते नना जीवातेन मनंतन, मिमेट इंका जीवातेन मंदकिर.

रोम सहरतोरहाटीं पौलुसना सिट्‍टि 11:15

अद बल्हा इत्‍ते, इस्राएल लोकुल्‍क पेनदाल लक्‍कु आताहेंका दुनियातोर पेनदुक दग्‍गेरा आतुर. इसोंटस्के इस्राएल लोकुल्‍कगुडा पेनदुक दग्‍गेरा आंतुर इनकुंट, अस्‍के इद पोल्‍ले वरोर हातोंक मर्रा जीवा अरतापे आयोना!

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

2 तिमोति 2:12

मनम ओर्सकुंचेके मनानय्ते, ओनतोनि राज्येम इंका कींतोम. ओक्‍कला मनम ओन एरपाट किय्योन इनानय्ते, ओर इंका मनाकुन एरपाट किय्योर.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 11:11

गानि मूडुननरा रोजकुना पज्जो, पेनदाहेंदाल पिस्वरता ऊपिर वासि ओरव्टे नेंगता. अस्‍के ओर तेदसि निततुर. अस्‍के ओर्कुन हूळता लोकुल्‍क इरगा वेरियतुर.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 11:3

पजा नना नावा इव्वुर गवाइदारकुंक बविस्यवानि कियाना अदिकारम हींतन, ओर पोतां हुटकुंचि पन्‍नेंड नुह्कुना अरवै रोजकुनदाका बविस्यवानि कींतुर.”

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 14:11

अल्हा ओर वेयनेंके पेय्‍सना पोया बस्‍केळ्‍क पोर्रो तेदसेकेन मनंता. बोर अय्ते आ जिवरासितुन आनि दाना बोम्मातुन मोळ्‍कंतुर, दाना पोरोलता चिन्‍हाता सिक्‍का वाटकुंतुर ओर नर्का-पिय्यल तकलिपतेने मनंतुर,” इंचि इत्‍ता.

पेन हुपिस्‍ता पोल्‍लें 15:2

बोर अय्ते आ जिवरासि, बोम्मा आनि दाना पोरोलता नंबरतोनि लडाइ कीसि गेल्सि मत्‍तुर, ओर अंटोर पेनदा टांबुरां पीसि आ समुद्रमता ओड्‍डुनपोर्रो नित्‍तिस मत्‍तद नना हूळतन

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.

पेन हुपिस्‍ता पोल्‍लें 2:26

बोर अय्ते गेल्सि आकिरदाका नावा कबाह्‍कुन कींतोर ओन्क नना अन्‍नि दुनियाता अन्‍नि देसेल्‍कुना लोकुल्‍कुनपोर्रो अदिकारम हींतन.

पेन हुपिस्‍ता पोल्‍लें 22:5

अगा हीकट बस्‍केने मन्‍नो. ओर्कु पोळ्‍दु, वेडसि वेलगुना अव्‍सरम मन्‍नो. बारित्‍ते सामि पेनबाबाले ओर्कु वेलगु हियानुर. युगा-युगाल्‍कुनदाका ओरे राज्येम ताकसंतोर.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 6:9

गोर्रे पोरि हेय्युंगो सिक्‍कातुन नेम्‍हाचि विच्‍चुतस्के, पेनदा पोल्‍लें लोकुल्‍कुंक वेहताहाटीं आनि ओरा गवाइ वेहताहाटीं मोक्‍कु हिय्यना गद्‍दे हिळु हव्‍किसि मत्‍तोर्कुना आत्मान हूळतन.