पेन हुपिस्‍ता पोल्‍लें 20:3 - पवित्र पोल्‍ले

³ पजा, वेय वर्सां निंडनदाका वेरे-वेरे देसेल्‍कुनोर्कुन बोंकिच्‍चा मन्‍नि इंचि आ दूता दान वेल्‍लेन लोत पोक्‍काते वाटसि बंद कीसि दानपोर्रो सिक्‍कां तंता. वेय वर्सां निंडतस्के जेरासेपताहाटीं दान होळसा पिय्यार.

पेन हुपिस्‍ता पोल्‍लें 20:3 Iomraidhean Croise

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 27:66

अस्‍के ओर सिपाइल्कुन ओसि येसुना बोंदातगा कडक कावेल इरतुर. बोंदक अड्‍डम दोसता बंडाकु सरकार सिक्‍का वाटसि अगा कावेल कीसेके मत्‍तुर.

मरकुस 4:15

इच्‍चुर लोकुल्‍क विज्‍जां अरता हर्दा जेगातसंटोर आंदुर. ओर पेनदा पोल्‍लेतुन केंजांतुर, केंजतारित्‍ते देय्यम बिराना वासि ओर केंजतवुन तेंडसि पोहंता.

लूकाल 8:31

पजा देय्याल्क येसुनतोनि, “माकुन नरकमता लोतु जेगाते होनना आदेस हियमा,” इंचि बच्‍चोरो विनंति कीतां.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 पत्रु 3:8

गानि पावरमगल्‍लोरिटा! सामिनगा उंदि रोजु वेय वर्सानालेसीं आनि वेय वर्सां उंदि रोजुनलेसीं मनंतां इद पोल्‍लेतुन मति मर्गमटु.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 17:2

बूमिपोर्रोटा राजालोर दानतोनि बोगमतनम कीतुर, दाना बोगमतनमता कल्‍दुन उंचि बूमिपोर्रोटा लोकुल्‍क रिम्मालोर आतुर.” इंचि इत्‍ता.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.

पेन हुपिस्‍ता पोल्‍लें 20:1

पजा उंदि दूता, स्वर्गमताल हिळु रेय्‍सि वायनद नना हूळतन. दानागा वेल्‍लेन लोत पोक्‍काता तालम कय्‍क आनि उंदि पेद्‍दा गोल्सु मत्‍ता.