पेन हुपिस्‍ता पोल्‍लें 20:10 - पवित्र पोल्‍ले

¹⁰ अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 20:10 Iomraidhean Croise

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

मत्‍तयाल 7:15

आबद्‍दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्‍लिता गुनम मनंता.

पेन हुपिस्‍ता पोल्‍लें 16:13

पजा नना अद मासुल तरासता तोळ्‍दाल, आ जिवरासिता तोळ्‍दाल, पेनदा आबद्‍दम कबुरतोना तोळ्‍दाल पन्‍नेतसोंटा मूड दुस्‍टात्मां पलाते पेय्सानद हूळतन.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 20:8

अस्‍के आ देय्यम पलाते वासि, बूमिपोर्रो नालुं मूलाने मनना अन्‍नि देसेल्‍कुनोर्कुन इत्‍ते, गोग, मागोग इनना लोकुल्‍कुन नडेह कीसि लडाइहाटीं जमा कींता. समुद्रमता उस्केलेसीं लेक्‍का परवच्‍चोन लोकुल्‍क ओर मंतुर.

पेन हुपिस्‍ता पोल्‍लें 9:17

नना हूळता दर्सनमते, आ गुर्राल्कुनपोर्रो उद्‍दिस मत्‍तोर केरता कच्‍चिता अंगिं, तळमितलेसीं रगारगा, नेळि पंडि रंगुलेसीं आनि गंदकम रंगुनव मत्‍तां. अवुना तल्‍लां सिंहमता तल्‍लानलेसीं दिस्सेक मत्‍तां. इंका अवुना तोळ्‍दाल तळमि, पोया, गंदकम पेय्सेक मत्‍ता.