पेन हुपिस्‍ता पोल्‍लें 2:5 - पवित्र पोल्‍ले

⁵ निमे बद परिस्तितिते अय्ते अरतिनो अदुन मति कीम. मनसु मार्सकुंचि मुन्‍ने कीता कबाह्‍कुन मर्रा कीम. निमे गिंटा मनसु मार्सकुनाकुंटे नना वासि नी वेडसितुन अद जागाताल तेंडसि पोहांतन.

पेन हुपिस्‍ता पोल्‍लें 2:5 Iomraidhean Croise

मत्‍तयाल 5:14

गुट्‍टापोर्रो मत्‍ता नार दिसाकोंटा मन्‍नो. अल्‍हेने मिमेट दुनियाताहाटीं वेलगु आंदिर.

मत्‍तयाल 5:15

बोरे आयिर वेडसि निरिच्‍चि, दान गुल्‍ला हिळु इर्रुर. एत्‍तुने उंदि दीसोडिपोर्रो इर्रंतुर. अस्‍के अद लोतोर अंटोर्कुंक वेल्‍गु हींता.

मरकुस 12:9

इंदके अंगुर तोटाता मालक वासि ओर्कुन बतल कियानुर? ओर वासि बटाइतोर्कुन हव्‍किसि अद तोटातुन वेरेतोर्क अप्‍पजेपनुर,” इत्‍तोर.

लूकाल 1:17

ओर, बाबुर्कुना मनसुन मर्क-मियाह्कुनहेके तिरहंतोर. पेनदा पोल्‍लें केंजवोर्कुन नीतिमंतुल्‍कुना तेल्वि दोर्किच्‍कुना वेहंतोर. सामि मीवा नड्‍डुम वायका मुन्‍ने सामिनाहाटीं लोकुल्‍कुन तयार कियालय ई पेडल एलियाहनगा मत्‍ता गुनम आनि ताकततोनि सामि वायना कबुरतुन सामि वायका मुन्‍नेन वेहांतोर,” इंचि इत्‍ता.

लूकाल 20:16

ओर वासि आ बटाइतोर्कुन हव्‍किसि अद तोटातुन वेरेतोर्क बटाइक हिय्यानुर,” इत्‍तोर. अद पोल्‍ले केंजसि, “अल्हा जर्गाकोंटा पेन आपिकांटी,” इंचि अगा मत्‍तोर इत्‍तुर.

गलातिया 5:4

मी लोप्पोटाल बोर अय्ते मूसाना नियम मत्‍ताप ताकसि नीतिमंतुल्क आंतोम इंचि इनकुंचेके मंतिर, मिमेट किरिस्‍तुनाल अलग आतिर, ओना कुर्पाताल लक्‍कु आतिर.

पिलिपिया 2:15

अस्‍के मिमेट बतले दोसेम हिलवा बेस लोकुल्‍क आकिट. तप्‍पुड कबाह्‍क किय्‍याना ई दुनियाता लोकुल्‍कुना नड्‍डुम आनि पापि लोकुल्‍कुना नड्‍डुम मिमेट बतले दोसेम हिलवोर आसि पेनदा मर्क-मियाह्कुनलेसीं मंदकिट. इंका मिमेट हीकटते पिस्वर पिस्सना लोकुल्‍कुना नड्‍डुम पोत्‍तना वेडसीलेसीं दिसकिट.

इब्रि 10:32

मिमेट बेसता कबुर केंजसि पेनदा वेलगुन दोर्किच्‍कुत्‍ता आ एनकटा रोजकुन मति कीम्‍टु, अव रोजकुने बच्‍चुंगो तकलिपकु वातां, अयना मिमेट ओर्सकुत्‍तिट.

2 पत्रु 3:17

अदुनहाटीं पावरमगल्‍लोरिटा! मीक इव पोल्‍लें मुन्‍नेटाले एरपाट मंतां, नीति हिल्वा लोकुल्‍कुना तप्पुकुने हिरकिसि, मीवा गट्‍टिगा निल्‍सि मत्‍ता हरदाल तप्‍पिसि होनाकोंटा हुसारते मंटु.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 16:9

कडक दगडाहेंदाल लोकुल्‍क कर्विसोत्‍तुर, अस्‍के आ गंडाल्‍कुन पोर्रो अदिकारम मत्‍ता पेनदुन अपमानम कीतुर गानि ओर दाना महिमा कियानाहाटीं सतता पापाल्कुनाल मनसु मार्सकुन्‍ना हिल्‍लुर.

पेन हुपिस्‍ता पोल्‍लें 2:16

अदुनहाटीं मीवा मनसु मार्सकुंटु. इल्‍हा कियाकोंटे नना बिरानेन मिहगा वासि, ना तोळ्‍दा कसेरतोने ओरतोनि लडाइ कींतन.

पेन हुपिस्‍ता पोल्‍लें 2:19

निमे कियाना कबाह्‍क, ना पोर्रोटा नीवा पावरम, विस्वासम, निमे कियाना सेवा, तिप्पल्कुने नीवा ओप्के, इव अन्‍नि नाकु तेळियसे. नीवा सुरुवना कबाह्कुंकन्‍ना इंदकेटा कबाह्‍क एक्‍को बेस मंतां.

पेन हुपिस्‍ता पोल्‍लें 2:2

निमे कियाना कबाह्‍क, नीवा मेहनत आनि ओप्के नाक एरपाटे. अल्‍हेने निमे सेड्‍डा लोकुल्‍कुन हय्सिन आनि बोर अय्ते “नना प्रेरित” इंचि इनकुंतुर गानि ओरा परिक्‍सा एततस्के ओर नीकु आबद्‍दम वळ्कतद दिसतुर.

पेन हुपिस्‍ता पोल्‍लें 3:19

बोन-बोन अय्ते नना पावरम कींतन, ओनकु गट्‍टिगा वेह्‍चि, सुद्रांचा गोट्‍टंतन. अदुनहाटीं इरगा जोसुने मंचि मनसु मार्सकुन्‍नु.