पेन हुपिस्‍ता पोल्‍लें 2:2 - पवित्र पोल्‍ले

² निमे कियाना कबाह्‍क, नीवा मेहनत आनि ओप्के नाक एरपाटे. अल्‍हेने निमे सेड्‍डा लोकुल्‍कुन हय्सिन आनि बोर अय्ते “नना प्रेरित” इंचि इनकुंतुर गानि ओरा परिक्‍सा एततस्के ओर नीकु आबद्‍दम वळ्कतद दिसतुर.

पेन हुपिस्‍ता पोल्‍लें 2:2 Iomraidhean Croise

मत्‍तयाल 7:23

अस्‍के ओर्कुन, ए सेड्‍डा कबाह्‍क कियानोरिटा! नना मीकुन एरपाट किय्योन. मिमेट इगेटाल पेय्सि होंटु इंचि इंतन.

योहान 6:6

येसुंक अन्‍नि एर्के मत्‍ता गानि पिलिपुना परिक्‍सा हूळालय, ओन इसोंटा सवाल पूसकीतोर.

गलातिया 1:7

असल निजम बतल इत्‍ते, वेरे बदे बेसता कबुर हिल्‍ले. गानि इच्‍चुर लोकुल्‍क मंतुर ओर मीकुन गयबेत कीसि किरिस्‍तुना बारेमता बेसता कबुरतुन बदलांचलय हूळसंतुर.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 5:21

गानि अन्‍निटवुन परिक्‍सा कीसि हुळाट, बव बेसतवो अवुन पीसि मंटु.

2 तिमोति 2:19

गानि पेन दोहता पुनादि बस्‍केळ्‍क नित्‍तिसि मनंता. अद पुनादिपोर्रो, “सामिंक ओना लोकुल्‍क बोर आंदुर, ओन्क एरपाटे,” आनि “सामिना पोरोल एताना हरेक मनकल, तप्‍पुड कबाह्कुनाल लक्‍कु मनगोम,” इंचि सिक्‍का वाटसि मंता.

इब्रि 6:10

बारित्‍ते, पेन अन्‍यायम कियानद आयो. दाना पोरोलते मिमेट कियाना बेस कबाह्‍कुन, दाना पवित्र लोकुल्‍कुनपोर्रो मिमेट हुपिस्‍ता पावरमतुन आनि कीसेके मनना सहायमतुन अद बस्‍केने मति मर्गो.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

पेन हुपिस्‍ता पोल्‍लें 2:5

निमे बद परिस्तितिते अय्ते अरतिनो अदुन मति कीम. मनसु मार्सकुंचि मुन्‍ने कीता कबाह्‍कुन मर्रा कीम. निमे गिंटा मनसु मार्सकुनाकुंटे नना वासि नी वेडसितुन अद जागाताल तेंडसि पोहांतन.

पेन हुपिस्‍ता पोल्‍लें 2:6

अयना नी लोप्पो इद उंदि बेसता पोल्‍ले मंता अद बतल इत्‍ते, निमे निकोलिया लोकुल्‍कुना कबाह्‍कुन हय्सिन, अवुन ननागुडा हय्सोन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.

पेन हुपिस्‍ता पोल्‍लें 3:15

निमे कियाना कबाह्‍क नाकु एरपाटे, विस्वासमते निमे सल्‍लागा हिल्‍लिन गरम हिल्‍लिन. निमे सल्‍लगा हिलाकोंटे गरम मंचि मत्‍ते बेस आसि मनवळ.

पेन हुपिस्‍ता पोल्‍लें 3:8

निमे कियाना कबाह्‍क नाक एरपाटे, नीवा ताकत तक्‍को मंता गानि नावा पोल्‍लेता पालन कीतिन आनि नावा पोरोलतुन एतोन इंचि इना हिल्‍लिन. अदुनहाटीं हूळा! नीवा मुन्‍ने उंदि तल्‍पु कुल्‍ला कीसि इरतन, अदुन बोरे बंद किया पर्रुर.