पेन हुपिस्‍ता पोल्‍लें 2:18 - पवित्र पोल्‍ले

¹⁸ तुयतीराता सहरता कलिसियाता दूताक इल्‍हा रासा. बोना कळ्‍क अय्ते पोत्‍तना तळमिलेसीं मंतां, काल्क कोल्‍मिते काचाह्ता इत्‍तोडिलेसीं मंतां आ पेनदा मर्रि इल्‍हा वेहांतोर:

पेन हुपिस्‍ता पोल्‍लें 2:18 Iomraidhean Croise

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मत्‍तयाल 27:54

अगा जर्गुता गटनां आनि बूमि अदुल्तद हूळसि, नूर मंदि सिपाइल्कुना पोर्रो मनना अदिकारि आनि येसुनगा कावेल कीसेक मत्‍ता सिपाइल्क वेल्‍ले वेरियतुर. वेरियसि, “ईर निजमे पेनदा मर्रि आंदुर” इंचि इत्‍तुर.

मत्‍तयाल 3:17

अस्‍केन स्वर्गमताल, “ईर ना पावरमगल्‍ला मर्रि आंदुर. ईर इत्‍ते नाकु बच्‍चोनो संबरम,” इंचि उंदि अल्किर केंजावाता.

लूकाल 1:35

अस्‍के पेनदा दूता इल्‍हा इत्‍ता, “पेनदा पवित्र आत्मा नीवा पोर्रो वांता आनि अन्‍निटकन्‍ना पेद्‍दा पेनबाबाना ताकतहेंदाल नीवा पोर्रो उंदि नीडा अर्रंता, अस्‍के निमे नेला तप्पंतिन. दानहाटीं नीकु पुट्‍टना पेडल पवित्र मनांतोर, ओन ‘पेनदा मर्रि’ इंचि इंतुर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:49

अस्‍के नतेनल, “रब्‍बी, निमे पेनदा मर्रिन आंदिन, इस्राएलता राजान आंदिन,” इंचि इत्‍तोर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:18

ओन बोर अय्ते नम्मंतुरो, ओर्क ओर सिक्‍सा हिया वेहोर. गानि बोर अय्ते ओन नम्मुरो, पेनदा वरोरे मर्रिनपोर्रो विस्वासम कियवाहेंका ओर्क पेन मुन्‍नेन सिक्‍सा हीसि इरता.

योहान 5:25

नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

प्रेरितुल्‍कुना कबाह्‍क 16:14

अवुन लोप्पो उंदि लिदिया पोरोलता मुरतळ मत्‍ता. अद तुयतीरा सहरतद आंद. दान्क पेनदापोर्रो वेल्‍लेन विस्वासम मत्‍ता. अद वेल्‍लेन दराता नेडि पंडि रंगुना कपडिं अम्मुंदु. अद बेस मनसु दोस्‍सि मावा पोल्‍लें केंजसेके मत्‍ता. पौलुस वेहना पोल्‍लेन बेस केंजालय सामि दाना मनसुन तयार कीतोर.

प्रेरितुल्‍कुना कबाह्‍क 8:36

इल्‍हा हर्रि पीसि होननेंके-होननेंके ओर उंदि एर मत्‍ता जेगातगा एव्‍तुर. अस्‍के एतुन हूळसि, “हूळा! इगे एर मंता. इंदके नाकु बापतिस्मा एतालय बतलन्‍ना तकलिप मंतना?” इंचि आ आडिगुंल्‍ला मनकल इत्‍तोर.

रोम सहरतोरहाटीं पौलुसना सिट्‍टि 1:4

गानि मना सामि येसु किरिस्‍ते पेनदा मर्रि आंदुर इंचि हुप्‍सालय पेन दाना पवित्र आत्माता ताकतहेंदाल ओन हातोरा लोप्पोटाल मर्रा जीवाते तेहता.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 2:1

इपीसि सहरता कलिसियाता दूताक इल्‍हा रासा. बोर अय्ते ओना तिना कय्‍दे एडुं सुक्‍कां पीसि मनांतोर, आनि बंगारमता एडुं दीसोडिन नड्‍डुम तिरियंतोर इव ओना पोल्‍लें आंदु.

पेन हुपिस्‍ता पोल्‍लें 2:24

गानि तुयतीराते अद कराहताप ताकवोर कळमतोर मिमेट बोर अय्ते विस्वासिर मंतिरो, मीक नना बतल वेहांतन इत्‍ते, मिमेट देय्यमता लोप्पोटा मर्ममतुन एरपाट किया हिल्‍लिर अदुनहाटीं नना मीपोर्रो इंका बर्वु वाटोन.