पेन हुपिस्‍ता पोल्‍लें 18:3 - पवित्र पोल्‍ले

³ बारित्‍ते, दाना बोगमतनमता कल्‍लु अन्‍नि देसेल्‍कुनोर उट्‍टुर. बूमिपोर्रोटा राजालोर दानतोनि बोगमतनम कीतुर, अद बोगमतनम कीसि कमय कीता दनमताहेंदाल बूमिपोर्रो दंदा कियाना लोकुल्‍क सिरमंतुल्‍क आतुर” इंचि वेहता.

पेन हुपिस्‍ता पोल्‍लें 18:3 Iomraidhean Croise

लूकाल 7:25

हिलाकोंटे मिमेट बतल हूळालय होंचि मत्‍तिर? मेत्‍तटा कपडिं केर्ता मनकन हूळालय होत्‍तिरा? हुळाट! मेत्‍तटा कपडिं केर्रानोर आनि सिरमंतुल्‍क राजवाडाने मनांतुर, बय्‍लि जेगाते आयो!

1 तिमोति 5:11

गानि लेय्यातनमते मुंडामोस्ता मुरताह्कुना पोरोल अद रजिस्‍टरते रासमा. बारित्‍ते बस्के अय्ते अवुना मेंदुलता इच्‍चां एक्‍को आसि, किरिस्‍तुनापोर्रोटा विस्वासम तक्‍को आंता, अस्‍के अवुंक मरमिं आयाना इच्‍चा आंता.

पेन हुपिस्‍ता पोल्‍लें 14:8

अद आता पजा इंकुंदि दूता वासि, “नासडेम आता, नासडेम आता, पेद्‍दा बेबिलोन सहर नासडेम आता, अद अन्‍नि जातिना लोकुल्‍कुंक दाना बोगमतनमता होंग वायानसोंटा कल्‍लु उह्ता” इंचि इत्‍ता.

पेन हुपिस्‍ता पोल्‍लें 17:2

बूमिपोर्रोटा राजालोर दानतोनि बोगमतनम कीतुर, दाना बोगमतनमता कल्‍दुन उंचि बूमिपोर्रोटा लोकुल्‍क रिम्मालोर आतुर.” इंचि इत्‍ता.

पेन हुपिस्‍ता पोल्‍लें 18:19

पजा ओर वेल्‍लेन दुक्‍कमते, ओरा तल्‍लनपोर्रो दुब्बा दोसकुंचि, दुक्‍कमते, अळसेके, वरगेयसेके, “अय्यो पेद्‍दा सहरतुना, समुद्रमते जहाजकु मनना हरेक मनकल नीहेंदाल सिरमंतुल्‍क आतुर. गानि उंदे गंटालोप्‍पो निमे पुरागा नासडेम आतिन” इंचि इनालय दल्‍गंतुर.

पेन हुपिस्‍ता पोल्‍लें 18:23

इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 18:7

अद बल्हा अय्ते पेद्‍दिरकेमते, सुकमते मत्‍ता, अल्‍हेने दान्क तिप्‍पल्‍क, दुक्‍काल्क हीम्ट. बारित्‍ते अद दाना मनसुल्कुने, नना रानिन आंदुन, मुंडामोस्तादान आयोन, इंका नना बस्‍केने तिप्पल्कुने अर्रोन,” इंचि इनकुंता.

पेन हुपिस्‍ता पोल्‍लें 18:9

बूमिपोर्रोटा बोर राजालोर अय्ते दानतोनि बोगमतनम कीसि सुकमते मत्‍तुर, आ राजालोर दानु वेयानद हूळसि, सतता साति तंचेके अळानुर.