पेन हुपिस्‍ता पोल्‍लें 18:24 - पवित्र पोल्‍ले

²⁴ निहगा पेनदा कबुरतोरा नेत्‍तुर, पेनदा लोकुल्‍कुना नेत्‍तुर अल्‍हेने वेरे लोकुल्‍कुना नेत्‍तुर दिस्ता” इंचि वेहता.

पेन हुपिस्‍ता पोल्‍लें 18:24 Iomraidhean Croise

मत्‍तयाल 23:27

अरे डोंगि दर्मसास्‍त्रम कराहना गुरुल्क आनि परिसिल्कुनिटा, मीकु गोसा तप्‍पो. बारित्‍ते मिमेट तेल्‍लटा सुन्‍ना होकता गोरिनसंटोर आंदिर. अव पलाताल हूळालय सक्‍कगा दिसंतां, गानि लोप्पो हूळते, पीनगुना बोक्‍कां कळियसि होंचि गब्‍बु पीसि मनंतां.

मत्‍तयाल 23:35

दीनहेंदाल, नीतिमंतुड आता आबेलनगटाल अय्ते गुळि आनि गद्‍दे नड्‍डुम मिमेट हव्‍कता बर्काना मर्रि जकर्याहनगड्‍क, बचटुर नीतिमंतुल्‍कुना नेत्‍तुर अय्ते ई बूमिपोर्रो पोंगागोटमळ जर्गता, आ अंटोरा नेत्‍तुरता दोसेम पूरा मीपोर्रो अर्रार.

प्रेरितुल्‍कुना कबाह्‍क 7:52

मीवा पेद्‍दाल्क तकलिप हियाकोंटा पेनदा कबुरतोन वरोनगुडा होळसा हिल्‍लुर. वरोर नीतिमंतुड वायानोर मंतोर, इंचि वेहानोर्कुन मीवा एनकटा पेद्‍दाल्क हव्कतुर. इंदके मिमेट बारे, ओर बा नीतिमंतुना बारेमते वेहचि मत्‍तुरो आ नीतिमंतुन दोकाते पीसि हव्कतिर.

1 तेसलोनि 2:15

ओरे सामि येसुन आनि पेनदा कबुरतोर्कुन हव्कतुर. ओर माकुन पलाते दोबतुर. पेन ओरतोनि कूस हिल्‍ले. ओर अंटोर लोकुल्‍कुना विरोदमते मंतुर.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 16:6

बारित्‍ते ओर नीवा पवित्र लोकुल्‍कुन, नीवा कबुरतोर्कुन हव्‍किसि ओरा नेत्‍तुर पोंगागोटतुर. अदुनहाटीं निमे ओर्कु उनालय नेत्‍तुर हीतिन, ओर इदुना लायके मंतुर,” इंचि इत्‍ता.

पेन हुपिस्‍ता पोल्‍लें 17:6

अद मुरतळ पेनदा लोकुल्‍कुना नेत्‍तुरतुन आनि येसु सामिना गवाइताहाटीं जीवा हीतोरा नेत्‍तुरतुन उंचि रिम्मा आतद हूळसि नाकु वेल्‍ले इचंत्रम आता.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.