पेन हुपिस्‍ता पोल्‍लें 18:23 - पवित्र पोल्‍ले

²³ इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 18:23 Iomraidhean Croise

प्रेरितुल्‍कुना कबाह्‍क 8:11

बारित्‍ते ओर वेल्‍ले रोजकुनाल ओना मंत्राल्कुना बलमते अंटोर लोकुल्‍कुन इचंत्रमते अरहचि मत्‍तोर. दानहाटींगे लोकुल्‍क ओर बतल वेहिना नम्मुंदुर.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 17:2

बूमिपोर्रोटा राजालोर दानतोनि बोगमतनम कीतुर, दाना बोगमतनमता कल्‍दुन उंचि बूमिपोर्रोटा लोकुल्‍क रिम्मालोर आतुर.” इंचि इत्‍ता.

पेन हुपिस्‍ता पोल्‍लें 17:5

दाना कपालमपोर्रो, “पेद्‍दा बेबिलोन, बोगामोताह्‍कुना अल्हेन हय्‍सुवा वस्‍तुकुना तल्‍लुर” इंचि मर्ममते रासि मत्‍ता.

पेन हुपिस्‍ता पोल्‍लें 18:22

टांबुरा नेकसानोरा, पाटा पारानोरा, तूरीला उह्‍कानोरा, तूताकोम उह्‍कानोरा आवाज इंदकेटाल बस्‍केने नीवा लोप्पो केंजा वायो. निहगा कबाह्‍क कियानोरगुडा इंदकेटाल बस्‍केने दिस्सुर. जोत्‍ता नोराना आवाज गुडा निहगा केंजा वायो.

पेन हुपिस्‍ता पोल्‍लें 18:3

बारित्‍ते, दाना बोगमतनमता कल्‍लु अन्‍नि देसेल्‍कुनोर उट्‍टुर. बूमिपोर्रोटा राजालोर दानतोनि बोगमतनम कीतुर, अद बोगमतनम कीसि कमय कीता दनमताहेंदाल बूमिपोर्रो दंदा कियाना लोकुल्‍क सिरमंतुल्‍क आतुर” इंचि वेहता.

पेन हुपिस्‍ता पोल्‍लें 18:9

बूमिपोर्रोटा बोर राजालोर अय्ते दानतोनि बोगमतनम कीसि सुकमते मत्‍तुर, आ राजालोर दानु वेयानद हूळसि, सतता साति तंचेके अळानुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.

पेन हुपिस्‍ता पोल्‍लें 22:5

अगा हीकट बस्‍केने मन्‍नो. ओर्कु पोळ्‍दु, वेडसि वेलगुना अव्‍सरम मन्‍नो. बारित्‍ते सामि पेनबाबाले ओर्कु वेलगु हियानुर. युगा-युगाल्‍कुनदाका ओरे राज्येम ताकसंतोर.

पेन हुपिस्‍ता पोल्‍लें 6:15

अस्‍के बूमिपोर्रोटा राजालोर, अदिकारिल्‍क, सायाबुल्क, सिरमंतुल्‍क, ताकतवर्क, दासुल्क, दासुल्क आयवोर, इल्‍हा अंटोर लोकुल्‍क गुट्‍टाना बुयाराल्कुने, पेद्‍दा बंडा सोर्रेने होंचि मकतुर.

पेन हुपिस्‍ता पोल्‍लें 9:21

अचोने आयका लोकुल्‍कुन हव्‍कमळ, होदें कियमळ, बोगमतनाल्क कियमळ, दोंगातनाल्‍क कियमळ इसोंटा कबाह्कुनालगुडा मनसु मार्सकुन्‍ना हिल्‍लुर.