पेन हुपिस्‍ता पोल्‍लें 17:9 - पवित्र पोल्‍ले

⁹ इव पोल्‍लें तेळियगोम इत्‍ते तेल्वि-बुद्‍दि गावाले. अव एडुं तल्‍लां इत्‍ते, अद मुरतळ उद्‍दिस मत्‍ता एडुं गुट्‍टां आंदुं.

पेन हुपिस्‍ता पोल्‍लें 17:9 Iomraidhean Croise

मत्‍तयाल 13:11

येसु अस्‍के ओर्कु इल्‍हा वेहतोर. “मीक अय्ते स्वर्ग राज्येमता बारेमता मर्ममतुन एरपाट कीकुनालय बुद्‍दि मंता, गानि ओर्कु हिल्‍ले.

मत्‍तयाल 24:15

दानिएल पोरोलता पेनदा कबुरतोर वेहताप, बोरे हय्‍सवसोंटा नासडेम कियाना वस्तु, गुळि लोप्पो पवित्र जेगाते नित्‍तिसि मत्‍तद मिमेट हूळकिर (हद्‍वानोर इदुन अर्तम कीकुंटु.)

पेन हुपिस्‍ता पोल्‍लें 13:1

पजा नना उंदि जिवरासि समुद्रमताल पेय्सानद हूळतन, दानकु पदि कोह्कु, एडुं तल्‍लां मत्‍तां. कोह्कुनपोर्रो पदि किरिटाल्कु मत्‍तां, तल्‍लानपोर्रो पेनदुन अपमानम कियानव पोरोलीं रासि मत्‍तां.

पेन हुपिस्‍ता पोल्‍लें 13:18

इद पोल्‍ले तेळियगोम इत्‍ते बुद्‍दि गावाले. बुद्‍दि मत्‍ता मनकल जिवरासिना लेक्‍का कियिरकांटी. अद लेक्‍का वरोर मनकन हुप्‍संता आनि अद हारुं नुह्कुना अरवै हारुं आंदु (666).

पेन हुपिस्‍ता पोल्‍लें 17:18

इंका निमे हूळता मुरतळ इत्‍ते, दुनियाता राजालोरपोर्रो राज्येम कियाना पेद्‍दा सहर आंदु” इंचि वेहता.

पेन हुपिस्‍ता पोल्‍लें 17:3

नना पवित्र आत्माते निंडतस्के, आ दूता नाकुन बय्‍लि जेगाते ओता. अगा पदि कोह्कु आनि एडुं तल्‍लां मत्‍ता उंदि एर्राटा जिवरासिपोर्रो उंदि मुरतळ उद्‍दिस मत्‍तद नाकु दिस्ता. आ जिवरासिता मेंदुलमेड पेनदा अपमानम कियाना पोल्‍लेंगे रासि मत्‍तां.

पेन हुपिस्‍ता पोल्‍लें 17:7

अस्‍के पेनदा दूता नाकुन, “निमे इचंत्रम बारि आतिन? नना इद मुरतळता आनि अद उद्‍दिस मत्‍ता पदि कोह्कु आनि एडुं तल्‍लां मत्‍ता जिवरासिता मर्ममतुन वेहांतन,