पेन हुपिस्‍ता पोल्‍लें 17:7 - पवित्र पोल्‍ले

⁷ अस्‍के पेनदा दूता नाकुन, “निमे इचंत्रम बारि आतिन? नना इद मुरतळता आनि अद उद्‍दिस मत्‍ता पदि कोह्कु आनि एडुं तल्‍लां मत्‍ता जिवरासिता मर्ममतुन वेहांतन,

पेन हुपिस्‍ता पोल्‍लें 17:7 Iomraidhean Croise

2 तेसलोनि 2:7

पेनदा पोल्‍लेतुन विरोद कियानोना मर्ममता ताकत इंदकेगुडा कबळ कीसेकेन मंता; गानि दान आपानोन पक्‍कक कियानादाका पेन ओन आपसेकेने मनंता.

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 12:3

पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.

पेन हुपिस्‍ता पोल्‍लें 18:1

अद आता पजा नना उंदि पेनदा दूतातुन स्वर्गमताल हिळु रेयसेक मत्‍तद हूळतन, आ दूताक वेल्‍लेने अदिकारम हीसि मत्‍ता. दाना महिमाता वेल्‍गुने बूमिअंता जग्गरा आता.