पेन हुपिस्‍ता पोल्‍लें 17:4 - पवित्र पोल्‍ले

⁴ अद मुरतळ नेडि पंडि रंगु आनि एर्रा रंगुना कपडिं केरसि मत्‍ता. इंका डिस्‍को पूसां, मोतीना दुम्में वाटकुंचि मत्‍ता. अल्‍हेने दाना कय्‍दे बंगारमता वाटिं मत्‍ता. अद वाटिते दाना बोगमतनम कियाना अपवित्र वस्तु आनि दाना पापाल्क निंडिस मत्‍तां.

पेन हुपिस्‍ता पोल्‍लें 17:4 Iomraidhean Croise

पेन हुपिस्‍ता पोल्‍लें 14:8

अद आता पजा इंकुंदि दूता वासि, “नासडेम आता, नासडेम आता, पेद्‍दा बेबिलोन सहर नासडेम आता, अद अन्‍नि जातिना लोकुल्‍कुंक दाना बोगमतनमता होंग वायानसोंटा कल्‍लु उह्ता” इंचि इत्‍ता.

पेन हुपिस्‍ता पोल्‍लें 18:12

अव सामान बव इत्‍ते, बंगारम, एंडि, डिस्‍को पूसां, मुच्याल्‍कु, मेत्‍तटा कपडिं, नेडि पंडि रंगुना कपडिं, रेसिम कपडिं, अन्‍नि रकाल्कुना गमागमा गब्‍बु वायाना कट्‍टें, एक्‍को दराता कट्‍टें, कच्‍चि, इत्‍तोडिता सामान, नुन्‍नटा बंडाना टाइल्‍स्‍कु, अन्‍नि तीरकुना मसालां, मसालाते वाटाना सेक्‍का, दालचिनि, मसालां, ऊदु, अत्‍तरनिय्‍कु, अंगुर कल्‍लु, निय्‍कु, मैदा, गोह्कु, गोडकु-कोंदा, एटिं-गोर्रें, गुर्राल्कु, रताल्कु, दासुल्क, लोकुल्‍कुना जीवां अम्मुंदुर, गानि इंदकेटाल इवुन बोरे अस्सुर.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.

पेन हुपिस्‍ता पोल्‍लें 21:21

आ पन्‍नेंड गल्‍मां पन्‍नेंड मुच्याल्कुनतोनि तयार कीसि मत्‍तां. उंद-उंदि गल्‍मा उंद-उंदि मुच्येमतोनि दोहाचि मत्‍ता. सहरता हर्रि, काचुनलेसीं मेर्सना पिव्‍वर बंगारमते तयार कीसि मत्‍ता.

पेन हुपिस्‍ता पोल्‍लें 9:21

अचोने आयका लोकुल्‍कुन हव्‍कमळ, होदें कियमळ, बोगमतनाल्क कियमळ, दोंगातनाल्‍क कियमळ इसोंटा कबाह्कुनालगुडा मनसु मार्सकुन्‍ना हिल्‍लुर.