पेन हुपिस्‍ता पोल्‍लें 17:16 - पवित्र पोल्‍ले

¹⁶ इंका निमे हूळता जिवरासि आनि दाना पदि कोह्कु, आ बोगमतनम कीता मुरतटुन हैय्सों. दान दिक्‍कु हिल्‍लाकोंटा कीसि दाना कपडिं हिलाकोंटा कींतां. दाना मेंदुलता हव्‍विन तिंचि, तळमिते वाटसींतां.

पेन हुपिस्‍ता पोल्‍लें 17:16 Iomraidhean Croise

पेन हुपिस्‍ता पोल्‍लें 12:3

पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 16:12

पेनदा हारुंगो दूता दाना वाटितुन परात इनना पेद्‍दा बेरेटे वळियसीता. अस्‍के अद बेरेटा एर बोत्‍तिगा इनकिसि होत्‍ता, पोळ्‍द पेय्‍सना दिक्‍कुने मनना राजालोर्कुंक हर्रि आयगोम इंचि आ दूता अल्हा कीता.

पेन हुपिस्‍ता पोल्‍लें 17:10

अल्‍हेने एडुर राजालोर इंचिगुडा दाना अर्तम आंद. एडुर राजालोरव्टेटाल हेय्युर अय्ते अर्सोत्‍तुर. इंदके वरोर मंतोर, इंकावरोर इदवेरदाका वायाहिल्‍लोर. ओर वातस्के ओन्क कोन्‍नि रोजकु राज्येम किय्ये पींता.

पेन हुपिस्‍ता पोल्‍लें 18:19

पजा ओर वेल्‍लेन दुक्‍कमते, ओरा तल्‍लनपोर्रो दुब्बा दोसकुंचि, दुक्‍कमते, अळसेके, वरगेयसेके, “अय्यो पेद्‍दा सहरतुना, समुद्रमते जहाजकु मनना हरेक मनकल नीहेंदाल सिरमंतुल्‍क आतुर. गानि उंदे गंटालोप्‍पो निमे पुरागा नासडेम आतिन” इंचि इनालय दल्‍गंतुर.

पेन हुपिस्‍ता पोल्‍लें 18:8

अदुनहाटीं हामुर, दुक्‍कम, कर्वु इवन्‍नि तकलिपकु उंदे रोजुने दानपोर्रो वायानुं, दाना न्‍यायम कियाना सामि पेनबाबाल दानकन्‍ना वेल्‍लेन बलम मत्‍तोर आताहाटीं अदुन तळमिते बोळ्‍सि बूळ्‍दि कियानुर.

पेन हुपिस्‍ता पोल्‍लें 19:18

मिमेट वाते, राजालोरा हव्‍विं, सिपाइल्कुना हव्‍विं, अदिकारिल्कुना हव्‍विं, गुर्राल्कुना हव्‍विं, गुर्राल्कु ताकसानोरा हव्‍विं, दासुल्कुना हव्‍विं, दासुल्क आयवोरा हव्‍विं, इल्‍हा सिन्‍ना-पेद्‍दा अन्‍नि लोकुल्‍कुना हव्‍विं तिनालय मीकु दोर्कंता” इंचि इत्‍ता.