पेन हुपिस्‍ता पोल्‍लें 17:14 - पवित्र पोल्‍ले

¹⁴ ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 17:14 Iomraidhean Croise

मत्‍तयाल 22:14

पजा, “केयतोर वेल्‍लेटुरे मंतुर. गानि पेर्कुत्‍तोरु मात्रम इच्‍चुरे मंतुर,” इंचि येसु वेसुड वेहामळ आपतोर.

मत्‍तयाल 25:40

अस्‍के राजाल, “नना मीकु निजम वेहासेक मंतन, इगे मत्‍ता नावा कदर हिलुवा विस्वासुल्‍कुनाल बोन वरोन बेस हूळिना, नाकुन बेस हूळतापे,” इंचि ओर्कुन इनानुर.

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

रोम सहरतोरहाटीं पौलुसना सिट्‍टि 1:6

येसु किरिस्‍तुना लोकुल्‍क आयनाहाटीं केयतोरव्टे मिमेटगुडा मंतिर.

रोम सहरतोरहाटीं पौलुसना सिट्‍टि 8:30

बोर-बोर्कुन अय्ते पेन पेरता ओर्कुन दाना हर्दे ताकालय केयता. इंका बोर-बोर्कुन दाना हर्दे ताकालय केयता ओर्कुन नीतिमंतुल्क कीता. इल्‍हा नीतिमंतुल्क कीतोर्कुंक वेल्‍लेन कदरगुडा हीता.

रोम सहरतोरहाटीं पौलुसना सिट्‍टि 8:37

इवन्‍नि तकलिप वायिनागानि, मनाकुन पावरम कियना किरिस्‍तु मनातोनि मत्‍ताहेंका मनमे गेल्संतोम.

1 कुरेंति 15:24

अदुन पजा, पूरा सरकार, पूरा अदिकार आनि ताकत इव अन्‍निन किरिस्‍तु नासडेम कीसि पेनबाबाना कय्‍दे राज्येम अप्‍पजेप्‍पंतोर. अस्‍के बूमिता आकिर आयार.

1 तिमोति 6:15

राजुल्कुना राजु, सामिल्‍कुना सामि, अन्‍निनपोर्रो अदिकारम इर्रना आ आसिर्वाद दोर्कता, बरोबर वेलाकु ओन मनाकु हुप्‍संतोर.

2 तिमोति 2:4

लडाइहाटीं पेय्सता बोरे सिपाइ वट्‍टि सम्‍सारम पोल्‍लेने हिरकोर. बारित्‍ते ओन्क अद नवकरि बोर अय्ते हीतोरो ओन्क कुसि हियमळे ओना गुरि मनंता.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 16:14

इव चिन्‍हां हुप्‍सना देय्याल्कुना आत्मां आंदु. आत्मा अन्‍निटकन्‍ना एक्‍को सक्‍तिमंतुड आता पेनबाबानतोनि आकिरता रोजकुने लडाइ कियानाहाटीं, दुनियाता अंटोर राजालोर्कुन उंदि कियालय ओरगा होंचेके मंतां.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.