पेन हुपिस्‍ता पोल्‍लें 16:5 - पवित्र पोल्‍ले

⁵ एतापोर्रो अदिकारम मत्‍ता पेनदा दूता इल्‍हा इनानद नना केंजतन, “ए पवित्र पेनदुना, निमे इंदके मंतिन, मोदालागुडा मत्‍तिन. निमे न्‍यायम कियाना पेनदुन, निमेने इवुना इल्‍हा न्‍यायम कीतिन.

पेन हुपिस्‍ता पोल्‍लें 16:5 Iomraidhean Croise

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

रोम सहरतोरहाटीं पौलुसना सिट्‍टि 2:5

गानि गट्‍टि मनसु, हेंडुतनमहेंका बस्‍केने मिमेट मनसु मार्सा हूळिर. इल्‍हा कीसि मीवा सिक्‍सातुन मिमेटे बेरसागोटसंतिर. बस्के अय्ते पेन दाना होंगुन मीपोर्रो हुप्पिचि, मीकु सिक्‍सा हिय्यार अस्‍के लोकुल्‍क दाना सत्‍तेमता न्‍यायमतुन हूळानुर.

रोम सहरतोरहाटीं पौलुसना सिट्‍टि 3:5

मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.)

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.

पेन हुपिस्‍ता पोल्‍लें 1:8

“ननाने अल्‍पा आनि ओमेगा आंदुन. ननाने मोदाटोन, इंदके मनानोन, मर्रा वायानोन आनि अन्‍निटकन्‍ना सक्‍तिमंतुनगुडा ननाने आंदुन” इंचि पेन इंता.

पेन हुपिस्‍ता पोल्‍लें 11:17

कीसि, “अन्‍निटकन्‍ना एक्‍को सक्‍तिमंतुन आता मावा पेनदुना! निमे मुन्‍ने मत्‍तिन, इंदकेगुडा मंतिन. इंदके निमे नीवा ताकततुन हुपिच्‍चि राज्येम कियालय सुरुव कीतिन. अदुनहाटीं मोमोट नीकु दन्यवाद कींतोम.

पेन हुपिस्‍ता पोल्‍लें 16:4

पेनदा मूडोव दूता दाना वाटितुन बेरेह्कुने आनि एता ऊटान पोर्रो वळियसीता, अस्‍के अव्टे मत्‍ता पूरा एर नेत्‍तुरलेसीं आसोत्‍ता.

पेन हुपिस्‍ता पोल्‍लें 16:7

अच्‍चोटेन मोक्‍कु हिय्याना गद्‍देताल, “ए पेनबाबा, सामि, निमेने अन्‍निटकन्‍ना सक्‍तिमंतुन आता पेनदुन आंदिन. निमे कियाना न्‍यायमते निजम आनि सत्‍तेम मंता,” इंचि नाकु केंजावाता.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.