पेन हुपिस्‍ता पोल्‍लें 16:4 - पवित्र पोल्‍ले

⁴ पेनदा मूडोव दूता दाना वाटितुन बेरेह्कुने आनि एता ऊटान पोर्रो वळियसीता, अस्‍के अव्टे मत्‍ता पूरा एर नेत्‍तुरलेसीं आसोत्‍ता.

पेन हुपिस्‍ता पोल्‍लें 16:4 Iomraidhean Croise

पेन हुपिस्‍ता पोल्‍लें 11:6

आ गवाइदार्क बविस्यवानि कियाना रोजकुने ओक्‍कला पिर्रु वायानय्ते अदुन आपाना अदिकारम ओर्कु हीसि मत्‍ता. अचोने आयाका ओर्कु बस्के अनपिस्‍ते अस्‍के, एतुन नेत्‍तुरते मार्समळ आनि बूमिपोर्रोटा लोकुल्‍कुंक तीराता तकलिप्क हियना अदिकारमगुडा ओर्कु हीसि मत्‍ता.

पेन हुपिस्‍ता पोल्‍लें 14:7

अद दूता पेद्‍दा आवाजते, “पेन न्‍यायम कियाना वेला दग्गेर्क एवता. अदुनहाटीं दानकु वेरियटु, दाना महिमा कीम्‍टु. स्वर्गमतुन, बूमितुन, समुद्रमतुन आनि एता ऊटान तयार कीता पेनदा आरादना कीम्‍टु” इंचि इत्‍ता.

पेन हुपिस्‍ता पोल्‍लें 16:5

एतापोर्रो अदिकारम मत्‍ता पेनदा दूता इल्‍हा इनानद नना केंजतन, “ए पवित्र पेनदुना, निमे इंदके मंतिन, मोदालागुडा मत्‍तिन. निमे न्‍यायम कियाना पेनदुन, निमेने इवुना इल्‍हा न्‍यायम कीतिन.