पेन हुपिस्‍ता पोल्‍लें 16:21 - पवित्र पोल्‍ले

²¹ मब्बुनाल एबै किलो वजन मत्‍ता बर्प बंडां लोकुल्‍कुनपोर्रो अरताहाटीं लोकुल्‍कुंक इरगा तकलिप आसि, ओर पेनदा अपमानम कीतुर. अद तकलिप वेल्‍लेने कतरनाक मत्‍ता.

पेन हुपिस्‍ता पोल्‍लें 16:21 Iomraidhean Croise

पेन हुपिस्‍ता पोल्‍लें 11:19

पजा स्वर्गमते मत्‍ता पेनदा गुळि कुल्‍ला आता. अय्ते अगा पेनदा करारकुना संदुग दिस्ता. अस्‍के इरगा मेर्समळ, उरुममळ, पिडगु वाटमळ, बुकंम आयमळ जर्गता पजा इरगा बंडां अरतां.

पेन हुपिस्‍ता पोल्‍लें 16:11

ओर्क वाता तिप्‍पल्‍क, ओर्क आता पुनकुन हेंदाल स्वर्गमते मनना पेनदा अपमानम कीतुर. गानि ओर कीता पापाल्कुनाल मनसु मार्सकुना हिल्‍लुर.

पेन हुपिस्‍ता पोल्‍लें 16:9

कडक दगडाहेंदाल लोकुल्‍क कर्विसोत्‍तुर, अस्‍के आ गंडाल्‍कुन पोर्रो अदिकारम मत्‍ता पेनदुन अपमानम कीतुर गानि ओर दाना महिमा कियानाहाटीं सतता पापाल्कुनाल मनसु मार्सकुन्‍ना हिल्‍लुर.

पेन हुपिस्‍ता पोल्‍लें 8:7

मोदाटा दूता तूताकोम उह्कता, अस्‍के नेत्‍तुर कलियसि मत्‍ता बंडां आनि तळमि बूमिपोर्रो अरता. अरतस्के बूमिता मूड बागाल्कुनाल उंदि बागम आनि मराकुना मूड बागाल्कुनाल उंदि बागम कर्विसोत्‍ता. इंका पच्‍चाटा जाळिगुळा पुरागा वेसोत्‍ता.