पेन हुपिस्‍ता पोल्‍लें 16:14 - पवित्र पोल्‍ले

¹⁴ इव चिन्‍हां हुप्‍सना देय्याल्कुना आत्मां आंदु. आत्मा अन्‍निटकन्‍ना एक्‍को सक्‍तिमंतुड आता पेनबाबानतोनि आकिरता रोजकुने लडाइ कियानाहाटीं, दुनियाता अंटोर राजालोर्कुन उंदि कियालय ओरगा होंचेके मंतां.

पेन हुपिस्‍ता पोल्‍लें 16:14 Iomraidhean Croise

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

लूकाल 2:1

योहान पुटतस्के, रोम सरकारता राजाल कैसर अगस्तुस ओना कय हिळु मनना अन्‍नि देसेल्‍कुना लोकुल्‍कुनद सिरगंति कियना इंचि आदेस हीतोर.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

2 तेसलोनि 2:9

पेनदा पोल्‍लेतुन विरोद कियानोर वायमळ इत्‍ते, देय्यमतदे उंदि कबळ आंदु, ओर वासि आबद्‍दम पोल्‍लेने देय्यमतव अन्‍नि ताकतकुनतोनि चिन्‍हां, इचंत्रमता कबाह्‍क कियानुर.

1 तिमोति 4:1

वायना रोजकुने, इच्‍चुर लोकुल्‍क दोका हियना आत्माना बोदां आनि देय्यमता पोल्‍लें केंजसि ओरा विस्वासमतुन होळसंतुर, इंचि पवित्र आत्मा किलियर वेहंता.

याकोब 3:15

ई तेल्वि पोर्रोटाल रेय्‍सि वातद आयो, गानि दुनियातागटाल, मनकनगटाल आनि देय्यमतगटाल आंद.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:3

अद जिवरासिता एडुं तल्‍लानाल उंदि तल्‍लाक हायानसोंटा देब्बा दल्‍गिसि पुन्‍नु आसि मत्‍ता, गानि अद पुन्‍नु बेस आतद हूळसि, दुनियातोर अंटोर इचंत्रम आसि दान पज्जो होनालय दल्‍गतुर.

पेन हुपिस्‍ता पोल्‍लें 16:7

अच्‍चोटेन मोक्‍कु हिय्याना गद्‍देताल, “ए पेनबाबा, सामि, निमेने अन्‍निटकन्‍ना सक्‍तिमंतुन आता पेनदुन आंदिन. निमे कियाना न्‍यायमते निजम आनि सत्‍तेम मंता,” इंचि नाकु केंजावाता.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 20:8

अस्‍के आ देय्यम पलाते वासि, बूमिपोर्रो नालुं मूलाने मनना अन्‍नि देसेल्‍कुनोर्कुन इत्‍ते, गोग, मागोग इनना लोकुल्‍कुन नडेह कीसि लडाइहाटीं जमा कींता. समुद्रमता उस्केलेसीं लेक्‍का परवच्‍चोन लोकुल्‍क ओर मंतुर.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 6:17

बारित्‍ते, पेनदा होंग हुप्‍सना कतरनाक रोजु एवता. ओरा मुन्‍ने बोर नित्‍ता परांतुर?” इंचि इनालय दल्‍गतुर.