पेन हुपिस्‍ता पोल्‍लें 15:4 - पवित्र पोल्‍ले

⁴ हे सामि सिराप निमेने पवित्र मंतिन, असोंटस्के नीकु वेरियाकोंटा, नीवा पोरोलता महिमा कियाकोंटा बोर मना पर्रांतोर? नीवा न्‍यायमतुन अंटोर हूळतुर, अदुनहाटीं दुनियाता अन्‍नि देसेल्‍कुना लोकुल्‍क निहगा वासि नीके मोळ्‍कानुर.”

पेन हुपिस्‍ता पोल्‍लें 15:4 Iomraidhean Croise

रोम सहरतोरहाटीं पौलुसना सिट्‍टि 15:9

अचोने आयाका यहुदि आयवोरगुडा पेन ओरापोर्रो कीता दयाताहाटीं दान तल्‍सकुनना इंचि किरिस्‍तु वातोर. बजन संहिताते इल्‍हा मंता: “नना यहुदि आयवोरतोनि कलियसि, नीकुन तल्‍सकुंतन.”

1 पत्रु 1:16

बारित्‍ते दर्मसास्‍त्रमते, “नना पवित्र मंतन इंचि मिमेटगुडा पवित्र आम्टु,” इल्‍हा पेन इंता.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 14:7

अद दूता पेद्‍दा आवाजते, “पेन न्‍यायम कियाना वेला दग्गेर्क एवता. अदुनहाटीं दानकु वेरियटु, दाना महिमा कीम्‍टु. स्वर्गमतुन, बूमितुन, समुद्रमतुन आनि एता ऊटान तयार कीता पेनदा आरादना कीम्‍टु” इंचि इत्‍ता.

पेन हुपिस्‍ता पोल्‍लें 16:5

एतापोर्रो अदिकारम मत्‍ता पेनदा दूता इल्‍हा इनानद नना केंजतन, “ए पवित्र पेनदुना, निमे इंदके मंतिन, मोदालागुडा मत्‍तिन. निमे न्‍यायम कियाना पेनदुन, निमेने इवुना इल्‍हा न्‍यायम कीतिन.

पेन हुपिस्‍ता पोल्‍लें 16:7

अच्‍चोटेन मोक्‍कु हिय्याना गद्‍देताल, “ए पेनबाबा, सामि, निमेने अन्‍निटकन्‍ना सक्‍तिमंतुन आता पेनदुन आंदिन. निमे कियाना न्‍यायमते निजम आनि सत्‍तेम मंता,” इंचि नाकु केंजावाता.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.

पेन हुपिस्‍ता पोल्‍लें 19:8

दान्क पोंडालय साप-सुतरा तेल्‍लाटा आनि मेर्सना मलमल कपडिं हीतुर. आ मलमल कपडिं इत्‍ते, पेनदा लोकुल्‍क कीता नीति कबाह्‍क आंदु” इंचि वेहानद नना केंजतन.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.