पेन हुपिस्‍ता पोल्‍लें 14:7 - पवित्र पोल्‍ले

⁷ अद दूता पेद्‍दा आवाजते, “पेन न्‍यायम कियाना वेला दग्गेर्क एवता. अदुनहाटीं दानकु वेरियटु, दाना महिमा कीम्‍टु. स्वर्गमतुन, बूमितुन, समुद्रमतुन आनि एता ऊटान तयार कीता पेनदा आरादना कीम्‍टु” इंचि इत्‍ता.

पेन हुपिस्‍ता पोल्‍लें 14:7 Iomraidhean Croise

मत्‍तयाल 25:13

पजा येसु सिस्युल्कुन इल्‍हा इत्‍तोर. “मनकना रूपमते पुटतोन नना वायानदगुडा इल्हे मनंता. अद रोजुन आनि वेलातुन मिमेट बिल्कुल एरपाट किय्‍यिर. अदुनहाटीं मिमेट तेल्‍विते मंटु,” इत्‍तोर.

लूकाल 17:18

पेनदुन स्‍तुति कियालय, ई सामरि जातितोन होळसि, कळमतोर बेस आतोर बोरे वाया हिल्‍लुरा?” इंचि ओन इत्‍तोर.

प्रेरितुल्‍कुना कबाह्‍क 14:15

“ए लोकुरिटा, मिमेट इल्‍हा बारि कीसंतिर? मोमोटगुडा मीलेसींटा मनकालोरमे. मिमेट वट्‍टि पोल्‍लेन होळसि, जीवाते मनना पेनदाहेके तिरियट. अदे पेन मब्बुन, बूमितुन, समुद्रमतुन आनि अव्टे मत्‍तव अन्‍निटवुन पुटिस्ता. इंचि अदे पेनदा बेसता कबुर वेहालय मोमोट वातोम.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

पेन हुपिस्‍ता पोल्‍लें 11:13

अच्‍चोटेन अदे वेलाते अगा पेद्‍दा बुकंप आता, अद सहरता पदि बागाल्कुनाल उंदि बागम नासडेम आता. अद बुकंपता हेंदाल एडुं वेय्‍कुना लोकुल्‍क हासि होत्‍तुर. आनि बोर अय्ते पिस्सि मत्‍तुरो, ओर इरगा वेरियतुर, वेरियसि स्वर्गमते मनना पेनदा महिमा कीतुर.

पेन हुपिस्‍ता पोल्‍लें 11:18

नीकुन एरपाट कियवा लोकुल्‍क नीवा विरोद कीताहाटीं नीकु होंग वाता. हातोरा न्‍यायम कियाना वेला इंदके एव्ता. अल्‍हेने नीवा सेवाकुल्कुंक, नीवा पोल्‍लें वेहाना कबुरतोर्कुंक, नीवा लोकुल्‍कुंक, नीकु वेरियसि पिस्‍साना सिन्‍नाल्कुंक-पेद्‍दाल्कुंक इनाम हियना वेला एवता. अचोने आयाका बूमितुन नासडेम कीतोर्कुन नासडेम कियाना वेलागुडा वाता,” इंचि इत्‍तुर.

पेन हुपिस्‍ता पोल्‍लें 15:4

हे सामि सिराप निमेने पवित्र मंतिन, असोंटस्के नीकु वेरियाकोंटा, नीवा पोरोलता महिमा कियाकोंटा बोर मना पर्रांतोर? नीवा न्‍यायमतुन अंटोर हूळतुर, अदुनहाटीं दुनियाता अन्‍नि देसेल्‍कुना लोकुल्‍क निहगा वासि नीके मोळ्‍कानुर.”

पेन हुपिस्‍ता पोल्‍लें 16:9

कडक दगडाहेंदाल लोकुल्‍क कर्विसोत्‍तुर, अस्‍के आ गंडाल्‍कुन पोर्रो अदिकारम मत्‍ता पेनदुन अपमानम कीतुर गानि ओर दाना महिमा कियानाहाटीं सतता पापाल्कुनाल मनसु मार्सकुन्‍ना हिल्‍लुर.

पेन हुपिस्‍ता पोल्‍लें 18:10

ओर दाना तकलिपकुन हूळसि, वेरियसि वेल्‍लेन लक्‍कु होंचि नित्‍तिसि, “अय्यो पेद्‍दा सहर, ताकत मत्‍ता बेबिलोन, उंदे गंटालोप्‍पो नीपोर्रो पेनदा सिक्‍सा वासि अरता” इंचि इनानुर.

पेन हुपिस्‍ता पोल्‍लें 18:19

पजा ओर वेल्‍लेन दुक्‍कमते, ओरा तल्‍लनपोर्रो दुब्बा दोसकुंचि, दुक्‍कमते, अळसेके, वरगेयसेके, “अय्यो पेद्‍दा सहरतुना, समुद्रमते जहाजकु मनना हरेक मनकल नीहेंदाल सिरमंतुल्‍क आतुर. गानि उंदे गंटालोप्‍पो निमे पुरागा नासडेम आतिन” इंचि इनालय दल्‍गंतुर.

पेन हुपिस्‍ता पोल्‍लें 19:5

अस्‍के राजगद्‍देताल उंदि आवाज, “ए पेनदुक वेरियसि पिस्‍साना दाना सेवाकुरिटा, मिमेट सिन्‍ना-पेद्‍दा बोरे आम्टु, अंटोर पेनदा स्‍तुति कीम्‍टु,” इंचि इनानद केंजावाता.

पेन हुपिस्‍ता पोल्‍लें 4:11

“निमेने ई दुनियाता अन्‍नि वस्‍तुक तयार कीतिन, इव अन्‍नि नीवा इच्‍चा परकारम तयार आतां. नीवा इच्‍चा परकारमे मंतां, निमेने मावा पेन, मावा सामिन आंदिन. महिमा, स्‍तुति आनि ताकत नीवदे आंदु,” इंचि इंतुर.

पेन हुपिस्‍ता पोल्‍लें 4:9

बस्के अय्ते अव नालुं जिवरासीं, राजगद्‍देपोर्रो उद्‍दिस मत्‍ता बस्‍केळ्‍क जीवाते मनना पेनदा स्‍तुति, महिमा, दन्यवाद कींतां,

पेन हुपिस्‍ता पोल्‍लें 8:10

पेनदा मूडो दूता तूताकोम उह्कता, अस्‍के मब्बुनाल डिव्टितलेसीं पोतसेके उंदि पेद्‍दा सुक्‍का बूमिपोर्रो अरता. अद सुक्‍का मूड बागाल्कुनाल उंदि बागम बेरेह्क आनि एता उटानपोर्रो अरता.