पेन हुपिस्‍ता पोल्‍लें 14:4 - पवित्र पोल्‍ले

⁴ ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.

पेन हुपिस्‍ता पोल्‍लें 14:4 Iomraidhean Croise

मत्‍तयाल 19:12

बारित्‍ते बोरो-बोरो तलुह्कुना पीटाले आडिगुंलोर्क आसि पुटतोर मंतुर, मनकालोरा कयदालगुडा आडिगुंलोर्क आतुर मंतुर, आनि स्वर्ग राज्येमता हेंका इच्‍चुर मंदि मरमिं आयाकोंटा मंतुर. इंचि बोर्क अय्ते ई पोल्‍लें नच्‍चंतंगो ओर इदुन ओपकुनिरकांटी.”

मत्‍तयाल 25:1

येसु मर्रा उंदि वेसुड वेहालय सुरुव कीतोर. ओर इत्‍तोर, स्वर्ग राज्येम बारेमते नना उंदि वेसुड वेहंतन केंजट. पदि लेय्यां कंदिलिं पीसि वरोर मरमिना पेडांक कलियालय होत्‍तां.

मत्‍तयाल 8:19

पजा वरोर दर्मसास्‍त्रम कराहना गुरु ओनगा वासि, “गुरु, निमे बगा दांतिनो अगा नना नीवा पज्जो वांतन.” इंचि इत्‍तोर.

योहान 10:27

नावा गोर्रें नावा लेंगुन केंजंतां. नावा गोर्रेन नना एरपाट कींतन, अव नावा पज्जो-पज्जो वांतां.

योहान 12:26

बोर नावा सेवा कींतन इंतोर, ओर नावा पज्जो ताकना. बारित्‍ते नना बगा मनंतनो, अगा नावा सेवा कियानोरगुडा मना पींता. अल्‍हेने बोर नावा सेवा कींतोर, नावा बाबाल ओन्क कदर हींतोर.

योहान 13:37

गानि पत्रु, “इंदके नना नीतोनि बारि वाया पर्रोन सामि? नीवाहाटीं नना नावा जीवा हियालयगुडा तयार मंतन,” इंचि इत्‍तोर.

योहान 8:12

पजा येसु, “नना दुनियातोराहाटीं वेलगु आंदुन. बोर अय्ते नावा पज्जो ताकंतोर, ओनगा पिस्वरताहेके ओयना वेळसि मनंता, अदुनहाटीं ओर बस्‍केने हीकटते ताकोर,” इंचि वेहतोर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

1 कुरेंति 16:15

विस्वासुल्‍कुनिटा! स्‍टिपनसना लोतोर्कुना बारेमते मीक एरपाटे मंता, ओर अकाया एरियाते मोदाला विस्वासम कीतुर. ओर पेनदा लोकुल्‍कुना सेवा कियालय ओरद-ओर अप्पजेपकुत्‍तुर.

1 कुरेंति 6:20

बारित्‍ते पेन मीकुन दरा दोस्‍सि अस्‍कुत्‍ता, अदुनहाटीं मिमेट मीवा मेंदुलताहेंदाल दाना महिमा कीम्‍टु.

1 कुरेंति 7:28

निमे मरमिं कीकुत्‍ते बतल पापम आयो, लेय्या पेगिळ मरमिं कीकुत्‍ते अदगुडा बतल पापम आयो. अय्नागानि बोर अय्ते मरमिं आंतुर, ओरा पिस्वरते तकलिपकु वांतां. असोंटा तकलिपकुने अर्रानायो इंचि नना कोरसंतन.

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

इपीसि 1:14

पेन बोर्कुन अय्ते अस्‍कुत्‍ता ओरा मुक्‍तिहाटीं, दाना पवित्र आत्मातुन वारसान हक्‍कता उंदि इसारालेसीं मनागा इरता. अदुनहाटीं लोकुल्‍क दाना महिमातुन तल्‍सकुंतुर.

इपीसि 5:27

अस्‍के अद पवित्र आनि दोसेम हिलाकोंटा आंता. पजा दान बदे कसुरता डाग हिलुवा, पापमता मच्‍चा हिलुवा इंका बदे तप्‍पु हिलुवा जगाजगा मेर्सना कलिसिया कीसि, ओना दग्‍गेरा निल्‍हाकुंतोर.

1 तिमोति 4:3

मरमिं आयामन्‍नि इंचि ओर कराहंतुर, इंका बव वस्‍तुक अय्ते पेन दाना विस्‍वासुल्‍कुनाहाटीं आनि निजमतुन एरपाट कियनोराहाटीं दान्क दन्यवाद हीसि तिनालय कीता, अव कोन्‍नि वस्‍तुकुन तिनामन्‍नि इंचि ओर कराहंतुर.

इब्रि 12:23

नीतिमंतुड लोकुल्‍कुना आत्माना कलिसियातगा मिमेट वातिट. आ कलिसियातगा अंटोरा पोरोलीं रासि मंतां, अंटोर्क जेस्‍टम पालना अदिकारम मंता. अंटोर्कुन पेन दानतोनि मनालय पुरागा कीता. दुनियाते मनना अन्‍निटवुना न्‍यायम कियाना पेनदागा मिमेट वातिट.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 21:22

अद सहरते नाकु गुळि दिसा हिल्‍ले. बारित्‍ते अगाटा गुळि अन्‍निटकन्‍ना सक्‍तिमंतुड आता पेनबाबाल आनि गोर्रे पोरि आंद.

पेन हुपिस्‍ता पोल्‍लें 21:23

अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.

पेन हुपिस्‍ता पोल्‍लें 3:4

गानि सरदिस सहरता इच्‍चुर विस्वासुल्‍क, ओरा कपडिंक डाग अंटाकोंटा इरताप, ओरा ताकमळतुन बेस इरतुर. ओर तेल्‍ला कपडिं केरताप सत्‍तेमते नावातोनि ताकनुर; ओर अल्हा ताकना लायक मंतुर.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”