पेन हुपिस्‍ता पोल्‍लें 14:14 - पवित्र पोल्‍ले

¹⁴ पजा नना हूळतस्‍के, नाक तेल्‍ला मब्बु तेर्पे दिसता. आ तेल्‍ला मब्बु तेर्पेपोर्रो मनकना रूपमते पुटतोनलेसीं वरोर उद्‍दिस मत्‍तोर. ओना तल्‍लापोर्रो बंगारमता किरिटम आनि ओना कय्‍दे वेल्‍लेन करा-करा मत्‍ता उंदि हेटेळ मत्‍ता.

पेन हुपिस्‍ता पोल्‍लें 14:14 Iomraidhean Croise

मत्‍तयाल 13:30

कोताक वयनदाका अव रोंडुगुडा कलियसे बेर्सिंकांटी. पजा कोताक वातस्के कोय्यानोर्कुंक नना, ‘मुन्‍ने हकोलिन कोय्‍सि, हेरकीं दोहाचि अवुन बोडसि पोहट. पजा नावा गोह्कुन जमा कीसि गुम्मिते दोस्सटु इंतन,’ इंचि जीतागाह्कुंकु वेहतोर.”

मत्‍तयाल 17:5

पत्रु वळ्‍कसेकेन मत्‍तोर, अस्‍केन उंदि तेल्‍ला मब्बु तेर्पे ओरापोर्रो नीडा कीता, आ मब्बुनाल उंदि इसंटा अल्किर केंजावाता, “ईर नावा पावरमगल्‍ला मर्रि आंदुर, ईनतोनि नना कूस मंतन, मिमेट ईना पोल्‍लें केंजट.”

मरकुस 4:29

गानि बस्के अय्ते पेडेक मुदरंतां अस्‍के नेलिता मालक पंटा कोतक वाता इंचि हेटेळ पीसि कोय्‍यंतोर.”

लूकाल 21:27

अस्‍के मनकना रूपमते पुटतोन नना, ताकत आनि पेद्‍दा महिमातोनि, मब्बु तेर्पेनपोर्रो वायानेंके लोकुल्‍क हूळानुर.

इब्रि 2:9

अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.

पेन हुपिस्‍ता पोल्‍लें 1:13

अव एडुं दीसोडिन नड्‍डुम वरोर मनकना रूपमते पुटतोर मत्‍तोर. ओर पोडगु कपडि केरसि मत्‍तोर ओना सातिक बंगारमता पट्‍टा दोहचि मत्‍ता.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 10:1

पजा, उंदि ताकतवर दूता मब्बु तेर्पेतुन मुच्‍कुंचि स्वर्गमताल हिळु रेय्‍सि वायानद नना हूळतन. दाना तल्‍लापोर्रो सिंगिड मत्‍ता. मोकोम पोळ्‍दुनलेसीं आनि काल्क तळमिता कंबालेसीं मत्‍तां.

पेन हुपिस्‍ता पोल्‍लें 11:17

कीसि, “अन्‍निटकन्‍ना एक्‍को सक्‍तिमंतुन आता मावा पेनदुना! निमे मुन्‍ने मत्‍तिन, इंदकेगुडा मंतिन. इंदके निमे नीवा ताकततुन हुपिच्‍चि राज्येम कियालय सुरुव कीतिन. अदुनहाटीं मोमोट नीकु दन्यवाद कींतोम.

पेन हुपिस्‍ता पोल्‍लें 19:12

ओना कळ्‍क पोत्‍तना तळमितालेसीं मंतां, ओना तल्‍लापोर्रो वेल्‍लेन किरिटाल्कु मत्‍तां. ओनापोर्रो उंदि पोरोलगुडा रासि मंता, आ पोरोलता अर्तम ओन्क तप्‍पा बोर्के तेळियो

पेन हुपिस्‍ता पोल्‍लें 20:11

पजा नना, उंदि तेल्‍लाटा राजगद्‍दे आनि दानपोर्रो उद्‍दिस मत्‍तोन हूळतन. बूमि, मब्बु ओना मुन्‍नेटाल पेय्सि वित्‍तुतां. मर्रा अवुंक बग्‍गेन जेगा दोर्काहिल्‍ले.

पेन हुपिस्‍ता पोल्‍लें 6:2

अस्‍के अगा नाकु उंदि तेल्‍ला गुर्रम दिसता, दानपोर्रो वरोर बानम पीसि उद्‍दिस मत्‍तोर. ओन्क उंदि किरिटम हियमळ जर्गता. ओर लडाईं गेल्सतोर, अय्नागानि इंका गेल्सना इंचि पेय्सतोर.