पेन हुपिस्‍ता पोल्‍लें 14:1 - पवित्र पोल्‍ले

¹ मर्रा नना सियोन इनना गुट्‍टापोर्रो पेनदा गोर्रे पोरि नित्‍तिसि मत्‍तद हूळतन. अगा दानतोनि उंदि लक्‍सा नल्‍पै नालुं वेय्‍कुना (1,44,000) मंदि मत्‍तुर. ओरा कपालमपोर्रो गोर्रे पोरिना आनि दाना बाबाना पोरोल रासि मत्‍ता

पेन हुपिस्‍ता पोल्‍लें 14:1 Iomraidhean Croise

लूकाल 12:8

“नना मीकु वेहांतन, बोर अय्ते लोकुल्‍कुना मुन्‍ने नाकुन एरपाट कींतन इंचि ओप्‍कुंतोरो, मनकना रूपमते पुटतोन ननागुडा ओन पेनदा दूताना मुन्‍ने, ‘एरपाट कींतन’ इंचि ओप्‍कुंतन.

रोम सहरतोरहाटीं पौलुसना सिट्‍टि 9:33

इदुना बारेमते दर्मसास्‍त्रमतेगुडा इल्‍हा रासि मंता: “हुळाट, सियोनते नना उंदि बंडातुन इरसंतन, अद बंडा इच्‍चुर्क दल्‍गंता, इंकिच्‍चुर बारे दान्क दल्‍गिसि हिळु अर्रंतुर. बोर अय्ते दानपोर्रो विस्वासम इर्रंतुरो, ओरद बस्‍केने सिन्‍नातनम आयो.” इंचि रासि मंता.

पेन हुपिस्‍ता पोल्‍लें 14:14

पजा नना हूळतस्‍के, नाक तेल्‍ला मब्बु तेर्पे दिसता. आ तेल्‍ला मब्बु तेर्पेपोर्रो मनकना रूपमते पुटतोनलेसीं वरोर उद्‍दिस मत्‍तोर. ओना तल्‍लापोर्रो बंगारमता किरिटम आनि ओना कय्‍दे वेल्‍लेन करा-करा मत्‍ता उंदि हेटेळ मत्‍ता.

पेन हुपिस्‍ता पोल्‍लें 14:3

आ उंदि लक्‍सा नल्‍पै नालुं वेय्‍कुना मंदि राजगद्‍देता मुन्‍ने, नालुं जिवरासिना मुन्‍ने आनि पेद्‍दाल्कुना मुन्‍ने पूना पाटा पारसेके मत्‍तुर. बूमिपोर्रोटाल पेन अस्‍कुत्‍ता लोकुल्‍कुनाल ईर तप्‍पा बोरे आ पाटा पारा पर्राहिल्‍लुर.

पेन हुपिस्‍ता पोल्‍लें 15:5

अद आता पजा, गवाइता डेराता गुळितुन, स्वर्गमते कुल्‍ला कीसि मत्‍तद नना हूळतन.

पेन हुपिस्‍ता पोल्‍लें 22:4

ओर दाना मोकोम हूळांतुर. ओरा कपालमपोर्रो पेनदा पोरोल रासि मनंता.

पेन हुपिस्‍ता पोल्‍लें 3:12

बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.

पेन हुपिस्‍ता पोल्‍लें 4:1

इव अन्‍नि आतस्के, स्वर्गमते उंदि तल्‍पु कुल्‍ला मत्‍तद नाकु दिसता. मोट्‍टा मोदाला नना केंजता आवाज तूताकोमता आवाजलेह्का मत्‍ता. अदे आवाज नाकुन, “निमे इगे पोर्रो वा, इव अन्‍नि आतस्के बव पोल्‍लें अय्ते जर्गानव मंतांगो अवुन हुपसंतन,” इंचि इत्‍ता.

पेन हुपिस्‍ता पोल्‍लें 6:8

पजा नाकु अगा उंदि पस्पु रंगुना गुर्रम दिस्ता. आ गुर्रमपोर्रो उद्‍दिस मत्‍तोना पोरोल हामुर, ओना पज्जो-पज्जो नरकम वासेक मत्‍ता. ओन्क बूमिता नालुं बागाल्कुनाल उंदि बागमपोर्रोटा लोकुल्‍कुन कसेरते, कर्वुने, बिमार्कुने आनि केडाता जिवरासिन हेंदाल नासडेम कियाना अदिकारम हियमळ जर्गता.