पेन हुपिस्‍ता पोल्‍लें 13:7 - पवित्र पोल्‍ले

⁷ दान्क पेनदा लोकुल्‍कुनतोनि लडाइ कीसि ओर्कुन गेल्सानद अदिकारम हियमळ जर्गता. इच्‍चोने आयाका दान्क हरेक जाति, हरेक बासा, हरेक लोकुल्‍क आनि दुनियाता अन्‍नि देसेल्‍कुना लोकुल्‍कुनपोर्रो अदिकारम हियमळ जर्गता.

पेन हुपिस्‍ता पोल्‍लें 13:7 Iomraidhean Croise

लूकाल 4:6

हुपिच्‍चि, “इव अन्‍नि राज्येल्कुनपोर्रो अदिकारम आनि अवुना पेद्‍दातनम नीकु हींतन. बारित्‍ते अव अन्‍नि राज्येल्‍क नाके हियमळ जर्गता. नना इद अदिकारम बोन्क इत्‍ते ओन्क हिया परांतन.

योहान 19:11

अस्‍के येसु, “पोर्रो मनना पेन आ अदिकारम नीकु हीता, अचोने! हिलाकोंटे नीकु नावापोर्रो बतले अदिकारम हिल्‍ले. अदुनहाटीं, नाकुन नीवा कय्‍दुक अप्पजेपतोंके एक्‍को पापम दल्‍गंता,” इंचि इत्‍तोर.

पेन हुपिस्‍ता पोल्‍लें 10:11

पजा आ दूता नाकुन, “मरुंदि मल्का निमे होंचि हरेक बासा वळकानोर्कुंक, राजुल्‍कुंक, वेल्‍लेन लोकुल्‍कुंक आनि दुनियाता अन्‍नि देसेल्‍कनोर्कुंक, वायाना कालमते ओरपोर्रो बतल जर्गानद मंतानो, अदुना बारेमते बविस्यवानि वेहा” इंचि इत्‍ता.

पेन हुपिस्‍ता पोल्‍लें 11:18

नीकुन एरपाट कियवा लोकुल्‍क नीवा विरोद कीताहाटीं नीकु होंग वाता. हातोरा न्‍यायम कियाना वेला इंदके एव्ता. अल्‍हेने नीवा सेवाकुल्कुंक, नीवा पोल्‍लें वेहाना कबुरतोर्कुंक, नीवा लोकुल्‍कुंक, नीकु वेरियसि पिस्‍साना सिन्‍नाल्कुंक-पेद्‍दाल्कुंक इनाम हियना वेला एवता. अचोने आयाका बूमितुन नासडेम कीतोर्कुन नासडेम कियाना वेलागुडा वाता,” इंचि इत्‍तुर.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 17:15

अद आता पजा दूता नातोनि, “बोगामोतळ उद्‍दिस मत्‍ता बव एता जलां अय्ते निमे हूळतिन, अव जलां इत्‍ते, वेरे-वेरे लोकुल्‍क, वेरे-वेरे लोकुल्‍कुना मंदां, वेरे-वेरे देसेल्‍कुनोर, वेरे-वेरे बासां वळकानोर आंदुर.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”