पेन हुपिस्‍ता पोल्‍लें 13:4 - पवित्र पोल्‍ले

⁴ अद जिवरासिक मासुल तरास अदिकारम हीताहाटीं अंटोर मासुल तरासतुन मोळ्‍कालय दल्‍गतुर. पजा ओर, “अद जिवरासितालेसीं बोरन्‍ना मंतुरा? दानतोनि बोरन्‍ना लडाइ किया पर्रांतुरा?” इंचि अद जिवरासितुनगुळा मोळ्‍कालय दल्‍गतुर.

पेन हुपिस्‍ता पोल्‍लें 13:4 Iomraidhean Croise

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 तेसलोनि 2:4

आ नासडेमता मर्रि, पेन इंचि इनानवुन अन्‍निन, मनकालोर मोळ्‍कानवुन अन्‍निन विरोद कीसि, ओनद ओरे पेद्‍दोन इंचि वेहकुंतोर. ओर पेनदालेसीं पेनदा गुळिते होंचि उद्‍दानुर, आनि ननाने पेनदुन इंचि वेहकुनानुर.

पेन हुपिस्‍ता पोल्‍लें 12:3

पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 13:11

पजा नना मरुंदि जिवरासितुन बूमि लोप्पोटाल पोर्रो वायानद हूळतन, दान्क गोर्रे पोरिनलेसीं रोंडु कोह्कु मत्‍तां. अद मासुल तरासुनलेसीं वळ्कसेक मत्‍ता.

पेन हुपिस्‍ता पोल्‍लें 13:15

मोदाटा जिवरासिता बोम्मा वळ्‍कागोम इंचि बोम्माते जीवोत्रम वाटानद, आनि अदुन बोर अय्ते मोळ्‍कुर, ओर अंटोर्कुन हव्कना अदिकार दीनकु हियमळ जर्गता.

पेन हुपिस्‍ता पोल्‍लें 13:2

नना हूळता जिवरासि सिर्तागंडुनलेसीं मत्‍ता, दाना काल्क एडजुना काल्कुनालेसीं मत्‍तां आनि दाना तोड्‍डि सिंहमता तोड्‍डिलेसीं मत्‍ता. मासुल तरास दाना ताकत, दाना राजगद्‍दे आनि पेद्‍दा अदिकारम आ जिवरासिक हीता.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 18:18

अद सहर वेयाना पोया हूळसि, “अद सहरतालेसीं पेद्‍दा सहर बदाना मंताना?” इंचि इनानुर.

पेन हुपिस्‍ता पोल्‍लें 9:20

अव गंडाल्कुनाहेंदाल अच्‍चोन तिप्‍पल्‍क वायिनागानि बोर अय्ते हाया हिल्‍लुरो, ओर ओरा कराब कबाह्कुनाल मनसु मार्सकुन्‍ना हिल्‍लुर. ओर देय्याल्कुन इत्‍ते, वळ्का पर्रुवव, केंजा पर्रुवव, ताका पर्रुवव बंगारम, एंडि, रागि, बंडा, कट्‍टेतोनि तयार कीता बोम्मन मोळ्‍कसेकेन मत्‍तुर.