पेन हुपिस्‍ता पोल्‍लें 13:16 - पवित्र पोल्‍ले

¹⁶ अचोने आयाका अद, सिन्‍नुर-पेद्‍दुर, सिरमंत-गरिब, दासुल्क आयवोर, दासुल्क ईर अंटोर्कुन ओरा तिना कयपोर्रो हिलाकोंटे कपालमपोर्रो उंदि-उंदि सिक्‍का वाटागोटता.

पेन हुपिस्‍ता पोल्‍लें 13:16 Iomraidhean Croise

प्रेरितुल्‍कुना कबाह्‍क 26:22

गानि इदवेरदाका पेन नाकुन सहायम कीता. अदुनहाटीं नना इग्‍गे नित्‍तिसि सिन्‍नाल्क, पेद्‍दाल्क अंटोर मुन्‍ने गवाइ हीसेक मंतन. बव पोल्‍लें अय्ते आयानव मंतां इंचि पेनदा कबुरतोर आनि मूसाल मुन्‍नेन वेहतुर, अव पोल्‍लें तप्‍पा नना वेरे बतले वेहोन.

1 कुरेंति 12:13

बारित्‍ते, मनम अंटोरम यहुदिल्क आयिना, युनानि आयिना, दासुल्क आयिना, दासुल्क आयाकोन्‍ना उंदे आत्माहेंदाल, उंदे मेंदुल आयालय बापतिस्मा एततोम, मना अंटोर्क उंदे आत्मा उहमळ जर्गता.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

गलातिया 6:17

इंदकेटाल आबद्‍दम कराहना पोल्‍लें केंजसि मिमेट नाक मर्रा तकलिप हियमटु. येसु सामिना पोल्‍लें वेहताहाटींगे नना नावा मेंदुलपोर्रो देब्बाना बर्रां पीसि तिरियसेक मंतन.

इपीसि 6:8

कबळ कियानोर दासुडे आयिर, दासुड आयवोर आयिर! ओर कियाना बेस कबळतुन पीसि ओन्क सामिनाहेंदाल इनाम दोर्कंता, इद मिमेट मति इर्राट.

कुलुसि 3:11

इवने युनानि आयिर, यहुदि आयिर, कतना कीतोर आयिर, कतना कियवोर आयिर, केडाते मनानोर आयिर, स्‍कूति जातितोर्क आयिर, दासुड आयिर, दासुड आयवोर आयिर ईरा लोप्पो बतल तेडा हिल्‍ले. किरिस्‍तु अन्‍निने, अंटोर लोप्पो मनंतोर.

2 तिमोति 3:8

यन्‍नेस, यंब्रेस इनानोर मूसांक अड्‍डम तिरियतुर. ओरालेसींगे ई मनकालोरगुडा सत्‍तेमकु अड्‍डम तिरियंतुर. ई मनकालोरा बुद्‍दि हेळसोंचि विस्वासमते हर्रि तप्‍सि मंतुर.

पेन हुपिस्‍ता पोल्‍लें 11:18

नीकुन एरपाट कियवा लोकुल्‍क नीवा विरोद कीताहाटीं नीकु होंग वाता. हातोरा न्‍यायम कियाना वेला इंदके एव्ता. अल्‍हेने नीवा सेवाकुल्कुंक, नीवा पोल्‍लें वेहाना कबुरतोर्कुंक, नीवा लोकुल्‍कुंक, नीकु वेरियसि पिस्‍साना सिन्‍नाल्कुंक-पेद्‍दाल्कुंक इनाम हियना वेला एवता. अचोने आयाका बूमितुन नासडेम कीतोर्कुन नासडेम कियाना वेलागुडा वाता,” इंचि इत्‍तुर.

पेन हुपिस्‍ता पोल्‍लें 15:2

बोर अय्ते आ जिवरासि, बोम्मा आनि दाना पोरोलता नंबरतोनि लडाइ कीसि गेल्सि मत्‍तुर, ओर अंटोर पेनदा टांबुरां पीसि आ समुद्रमता ओड्‍डुनपोर्रो नित्‍तिस मत्‍तद नना हूळतन

पेन हुपिस्‍ता पोल्‍लें 19:18

मिमेट वाते, राजालोरा हव्‍विं, सिपाइल्कुना हव्‍विं, अदिकारिल्कुना हव्‍विं, गुर्राल्कुना हव्‍विं, गुर्राल्कु ताकसानोरा हव्‍विं, दासुल्कुना हव्‍विं, दासुल्क आयवोरा हव्‍विं, इल्‍हा सिन्‍ना-पेद्‍दा अन्‍नि लोकुल्‍कुना हव्‍विं तिनालय मीकु दोर्कंता” इंचि इत्‍ता.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 19:5

अस्‍के राजगद्‍देताल उंदि आवाज, “ए पेनदुक वेरियसि पिस्‍साना दाना सेवाकुरिटा, मिमेट सिन्‍ना-पेद्‍दा बोरे आम्टु, अंटोर पेनदा स्‍तुति कीम्‍टु,” इंचि इनानद केंजावाता.

पेन हुपिस्‍ता पोल्‍लें 20:12

पजा, हासि मत्‍ता सिन्‍नाल्कुन-पेद्‍दाल्कुन अंटोर्कुन राजगद्‍देता मुन्‍ने नित्‍तिसि मत्‍तद नना हूळतन. पुस्तकाल्क विच्‍चिसि मत्‍तां. पजा इंकुंदि पुस्तकम विच्‍चुमळ जर्गता, अद पुस्तकम इत्‍ते पिस्वरता पुस्तकम आंद. पुस्तकाल्कुने रासि मत्‍ता पोल्‍लेन पोर्रोटाल, हासि मत्‍तोर कीता कबाह्‍कुन पीसि ओरा न्‍यायम कियमळ जर्गता.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 6:15

अस्‍के बूमिपोर्रोटा राजालोर, अदिकारिल्‍क, सायाबुल्क, सिरमंतुल्‍क, ताकतवर्क, दासुल्क, दासुल्क आयवोर, इल्‍हा अंटोर लोकुल्‍क गुट्‍टाना बुयाराल्कुने, पेद्‍दा बंडा सोर्रेने होंचि मकतुर.