पेन हुपिस्‍ता पोल्‍लें 13:12 - पवित्र पोल्‍ले

¹² इद जिवरासि, हायानसोंटा देब्बा दल्‍गिसि बेस आता मोदाटा जिवरासिता पूरा अदिकारम दाना मुन्‍नेने वाळकुंचि कबळ कियुंदु आनि बूमिपोर्रो मनना अंटोर्कुन आ मोदाटा जिवरासितुन मोळ्‍कानाल कियुंदु.

पेन हुपिस्‍ता पोल्‍लें 13:12 Iomraidhean Croise

2 तेसलोनि 2:4

आ नासडेमता मर्रि, पेन इंचि इनानवुन अन्‍निन, मनकालोर मोळ्‍कानवुन अन्‍निन विरोद कीसि, ओनद ओरे पेद्‍दोन इंचि वेहकुंतोर. ओर पेनदालेसीं पेनदा गुळिते होंचि उद्‍दानुर, आनि ननाने पेनदुन इंचि वेहकुनानुर.

पेन हुपिस्‍ता पोल्‍लें 13:2

नना हूळता जिवरासि सिर्तागंडुनलेसीं मत्‍ता, दाना काल्क एडजुना काल्कुनालेसीं मत्‍तां आनि दाना तोड्‍डि सिंहमता तोड्‍डिलेसीं मत्‍ता. मासुल तरास दाना ताकत, दाना राजगद्‍दे आनि पेद्‍दा अदिकारम आ जिवरासिक हीता.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 14:11

अल्हा ओर वेयनेंके पेय्‍सना पोया बस्‍केळ्‍क पोर्रो तेदसेकेन मनंता. बोर अय्ते आ जिवरासितुन आनि दाना बोम्मातुन मोळ्‍कंतुर, दाना पोरोलता चिन्‍हाता सिक्‍का वाटकुंतुर ओर नर्का-पिय्यल तकलिपतेने मनंतुर,” इंचि इत्‍ता.

पेन हुपिस्‍ता पोल्‍लें 14:9

पजा इंकुंदि मूडोव दूता वासि, “बोरे आयिर अद जिवरासितुन आनि दाना बोम्मातुन मोळ्‍किसि, ओना कपालमपोर्रो आयि हिलाकोंटे कयपोर्रो आयि दाना चिन्‍हाता सिक्‍का वाटकुंतोर, ओरगुडा तालिते वळियसि मत्‍ता पेनदा होंगुना पिव्‍वर कल्‍लु उनानुर, उंचि पवित्र दूतन मुन्‍ने, गोर्रे पोरिन मुन्‍ने रमा-रमा पोत्‍तना तळमिते आनि गंदकमता सिक्‍साते अर्रानुर.

पेन हुपिस्‍ता पोल्‍लें 16:2

अदुनहाटीं पेनदा मोदाटा दूता होंचि, दाना वाटितुन बूमिपोर्रो वळियसीता, अस्‍के अद जिवरासिता निसानि मत्‍तोर्कु आनि बोर अय्ते दाना बोम्मातुन मोळ्‍कुंदुर ओर्कु इरगा नोयाना लसा-लसा पुनकु आतां.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.