पेन हुपिस्‍ता पोल्‍लें 13:11 - पवित्र पोल्‍ले

¹¹ पजा नना मरुंदि जिवरासितुन बूमि लोप्पोटाल पोर्रो वायानद हूळतन, दान्क गोर्रे पोरिनलेसीं रोंडु कोह्कु मत्‍तां. अद मासुल तरासुनलेसीं वळ्कसेक मत्‍ता.

पेन हुपिस्‍ता पोल्‍लें 13:11 Iomraidhean Croise

मत्‍तयाल 7:15

आबद्‍दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्‍लिता गुनम मनंता.

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

2 तेसलोनि 2:4

आ नासडेमता मर्रि, पेन इंचि इनानवुन अन्‍निन, मनकालोर मोळ्‍कानवुन अन्‍निन विरोद कीसि, ओनद ओरे पेद्‍दोन इंचि वेहकुंतोर. ओर पेनदालेसीं पेनदा गुळिते होंचि उद्‍दानुर, आनि ननाने पेनदुन इंचि वेहकुनानुर.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 13:1

पजा नना उंदि जिवरासि समुद्रमताल पेय्सानद हूळतन, दानकु पदि कोह्कु, एडुं तल्‍लां मत्‍तां. कोह्कुनपोर्रो पदि किरिटाल्कु मत्‍तां, तल्‍लानपोर्रो पेनदुन अपमानम कियानव पोरोलीं रासि मत्‍तां.

पेन हुपिस्‍ता पोल्‍लें 13:17

अद सिक्‍का इत्‍ते जिवरासिता पोरोल हिलाकोंटे दाना उंदि नंबर आंद. इल्‍हा सिक्‍का बोर्क अय्ते मन्‍नो ओनकु बतले अम्मावायो, आनि एतावायो.

पेन हुपिस्‍ता पोल्‍लें 13:4

अद जिवरासिक मासुल तरास अदिकारम हीताहाटीं अंटोर मासुल तरासतुन मोळ्‍कालय दल्‍गतुर. पजा ओर, “अद जिवरासितालेसीं बोरन्‍ना मंतुरा? दानतोनि बोरन्‍ना लडाइ किया पर्रांतुरा?” इंचि अद जिवरासितुनगुळा मोळ्‍कालय दल्‍गतुर.

पेन हुपिस्‍ता पोल्‍लें 16:13

पजा नना अद मासुल तरासता तोळ्‍दाल, आ जिवरासिता तोळ्‍दाल, पेनदा आबद्‍दम कबुरतोना तोळ्‍दाल पन्‍नेतसोंटा मूड दुस्‍टात्मां पलाते पेय्सानद हूळतन.

पेन हुपिस्‍ता पोल्‍लें 17:6

अद मुरतळ पेनदा लोकुल्‍कुना नेत्‍तुरतुन आनि येसु सामिना गवाइताहाटीं जीवा हीतोरा नेत्‍तुरतुन उंचि रिम्मा आतद हूळसि नाकु वेल्‍ले इचंत्रम आता.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.