पेन हुपिस्‍ता पोल्‍लें 12:9 - पवित्र पोल्‍ले

⁹ पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 12:9 Iomraidhean Croise

मत्‍तयाल 13:39

हकोलिं वीतुता पगातोर इत्‍ते, देय्यम आंद. पंटा कोयना वेला इत्‍ते दुनिया मुंळगना आकिर वेला. कोय्‍यानोर इत्‍ते पेनदा दूतां आंद.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

मत्‍तयाल 4:1

पजा पेद्‍दा देय्यम येसुना पट्‍टु हूळागोम इंचि पेनदा आत्मा ओन बय्‍लि जेगाते ओता.

मत्‍तयाल 4:10

अस्‍के, “ए देय्यमतुना हब्बेर होन, बारित्‍ते निमे नीवा पेनदुने मोळ्‍कना, सिराप दानादे सेवा कियना, इल्‍हा दर्मसास्‍त्रमते रासि मंता.” इंचि येसु दान इत्‍तोर.

मत्‍तयाल 4:5

पजा आ पेद्‍दा देय्यम येसुन येरुसलेम इनना पवित्र सहरते ओसि, गुळि पोर्रो कोस्‍सक निल्‍हाचि इल्‍हा इत्‍ता.

मत्‍तयाल 4:8

पजा आ पेद्‍दा देय्यम येसुन उंदि एत्‍तु गुट्‍टापोर्रो ओसि ओन्क दुनियाता अन्‍नि राज्येल्‍क, अवुना पेद्‍दातनाल्‍क बोत्‍तिगा हुपिच्‍चि,

लूकाल 10:18

अस्‍के येसु ओर्कुन इल्‍हा इत्‍तोर, “नना पेद्‍दा देय्यमतुन मब्बुनाल पिळगुनलेसीं अरनेंके हूळतन.

लूकाल 13:16

अय्ते पद्‍देनमिदि वर्सानाल पेद्‍दा देय्यम पीसि मत्‍ता अब्राहामुना वंसमता ई मुरताटुन, नोमकेम रोजुननाड बेस कीते इव्टे तप्पु बतल मंता?” इंचि इत्‍तोर.

लूकाल 22:3

पजा येसुना पन्‍नेंडु सिस्युल्‍कुनाल वरोर इस्‍कारियोत नाटेना यहुदाना लोप्पो पेद्‍दा देय्यम होळियता.

लूकाल 22:31

येसु मर्रा सिमोन पत्रुन, “सिमोनु, ए सिमोनु हिके केंजा! मीकुन अंटोर्कुन वंजिन हेचाहताप हेचाहचि मी अंटोरा विस्वासमता पट्‍टु हूळानाहाटीं पेद्‍दा देय्यम पेनदुन अदिकारम तल्कता.

लूकाल 8:12

बोर अय्ते पेनदा पोल्‍लेतुन केंजतुर गानि, ओर विस्वासम कीसि ओर्कु मुक्‍ति दोर्कामन्‍नि इंचि देय्यम वासि ओर केंजतवुन ओरा मनसुनाल तेंडसि पोहंता. असंटोर इत्‍ते, विज्‍जां अरता हर्दा जेगातसंटोर आंदुर.

योहान 12:31

इंदके इद दुनियाता न्‍यायम कियना वेला एवता. इद दुनियापोर्रो राज्येम कियना अदिकारिन पलाते पेचाहचि गेदमना वेला इंदके वाता.

योहान 14:30

इंका मीतोनि एक्‍को वळ्‍कोन. बारित्‍ते दुनियापोर्रो राज्येम एलाना अदिकारि वासेकेन मंतोर. वासि अयना नावापोर्रो ओन्क बतले अदिकारम हिल्‍ले.

योहान 16:11

इंका इद दुनियापोर्रो राज्येम एलाना अदिकारिना न्‍यायम अय्ते मुन्‍नेन आसि मंता. अदुनहाटीं सहायम कियानोर न्‍यायमता बारेमते लोकुल्‍कुंक तेळियागोट्‍सि वेहंतोर.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

प्रेरितुल्‍कुना कबाह्‍क 5:3

अदुन हूळसि पत्रु, “हनन्या! निमे बूमि अमता कोत्‍तानाल इच्‍चुं कोत्‍तां इरकुत्‍तिन. अय्ते पवित्र आत्मातोनि आबद्‍दम वळकालय नीवा मनसुने देय्यम बारि होळियता?

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

रोम सहरतोरहाटीं पौलुसना सिट्‍टि 16:20

मनाकु सांति हियना पेन बिराने देय्यमतुन मीवा काल्कुनगा तच्‍चि जारसि पोहंता. मना सामि येसु किरिस्‍तुनद मीवापोर्रो कुर्पा मन्‍निकांटी, आमेन.

2 कुरेंति 11:14

इवने इचंत्रम बतल हिल्‍ले, देय्यमगुडा वेल्‍गु हिय्याना पेनदा दूतालेसीं आंता.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 कुरेंति 12:7

नाक हुपिस्‍ता मर्ममता पोल्‍लें वेल्‍लेने मत्‍ताहाटीं नावा लोप्पो पेद्‍दिरकेम वायामन्‍नि इंचि पेन नावा मेंदुलते उंदि हापु इरता. अद नाकुन दबांचि इर्रालय देय्यमता दूतालेसीं कोह्‍कसेके मनंता.

2 कुरेंति 2:11

मापि कियाकोंटे देय्यम बस्‍केनना तकलिप हिय्या परांता. बारित्‍ते दाना गुनम बसोंटदो मनक एरपाटे मंता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

2 तेसलोनि 2:3

बोरे आयिर बदे रीतुने मीकुन दोका किया हियमटु; बारित्‍ते मुन्‍ने वरोना पोल्‍ले वरोर केंजाकोंटा आयाना कालम वायार, पजा पेनदा पोल्‍लेतुन विरोद कियाना नासडेमता मर्रि दिस्‍सानुर, दाना पजाने किरिस्‍तु मर्रा वायाना रोजु वायार.

1 तिमोति 2:14

इचोने आयका, आदाम पसांचा हिल्‍लोर गानि मुरतळ पसांचि पापमते अरता.

2 तिमोति 3:13

गानि कराब कियानोर, मुळाहनोर, वेरेतोर्कुंक दोका हीसेक, ओर दोकाते अरसेक इंकिच्‍चो कराब आंतुर.

इब्रि 2:14

पेनदा पिलाल्क आता मनम, मेंदुल रूपमते मत्‍ताहाटीं येसुगुडा हरेक पोल्‍लेते मनालेहका आसि वातोर. मना पिस्वरंता हामुरता वेर्रे मनागा मत्‍ताहेंका देय्यमता अदिकारम मनापोर्रो मत्‍ता. गानि येसु ओना हामुरताहेंदाल, देय्यमता अदिकारमतुन नासडेम कीसि, मनाकुन हामुरता वेर्रेताल इळबळिस्तोर.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

यहुदा 1:9

गानि पेनदा पेद्‍दा दूता मिकायेलगुडा बस्के अय्ते मूसाना पीनगुना बारेमते देय्यमतोनि लोल्‍लि कीता, अस्‍के अदुन बतले अपमानम आयानसोंटा पोल्‍लें इना हिल्‍ले गानि, “पेने नीकुन तेरहिकांटी” इंचि सिराप इच्‍चोने इत्‍ता.

पेन हुपिस्‍ता पोल्‍लें 12:12

अदुनहाटीं स्वर्गम आनि स्वर्गमते मनानोरिटा मिमेट कुसिते मंटु. गानि बूमिपोर्रो आनि समुद्रमते मनानोर्क मात्रम बच्‍चोन गोसा वायार! बारित्‍ते देय्यमतगा वेल्‍ले टाइम हिल्‍ले इंचि दान्क तेळियसे मंता, अदुनहाटीं अद वेल्‍लेन होंगुने मिहगा वाता,” इंचि केंजावाता.

पेन हुपिस्‍ता पोल्‍लें 12:3

पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 12:7

पजा स्वर्गमते उंदि लडाइ आता. पेनदा मिकायेल इनना दूता, दाना दंटा दूतन पीसोंचि, मासुल तरास आनि दाना दूतानतोनि लडाइ कीता. अस्‍के मासुल तरासगुडा दाना दूतन पीसि मिकायेलुनतोनि लडाइ कीता.

पेन हुपिस्‍ता पोल्‍लें 12:8

गानि मासुल तरास, दाना दूतां लडाइ गेल्सा परा हिल्‍लें. अदुनहाटीं स्वर्गमते मनालय अवुंक जेगा दोर्काहिल्‍ले.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 16:14

इव चिन्‍हां हुप्‍सना देय्याल्कुना आत्मां आंदु. आत्मा अन्‍निटकन्‍ना एक्‍को सक्‍तिमंतुड आता पेनबाबानतोनि आकिरता रोजकुने लडाइ कियानाहाटीं, दुनियाता अंटोर राजालोर्कुन उंदि कियालय ओरगा होंचेके मंतां.

पेन हुपिस्‍ता पोल्‍लें 18:2

आ दूता पेद्‍दा आवाजते वरगेयसि, “हिळारता, बेबिलोन पेद्‍दा सहर हिळारता. इंदके अद देय्याल्क, दुस्‍ट आत्मां मनना जागा आता. बताके ओज्‍जुवव आनि हय्‍सुवा पिट्‍टें अगा जागा पीतां.

पेन हुपिस्‍ता पोल्‍लें 18:23

इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 2:24

गानि तुयतीराते अद कराहताप ताकवोर कळमतोर मिमेट बोर अय्ते विस्वासिर मंतिरो, मीक नना बतल वेहांतन इत्‍ते, मिमेट देय्यमता लोप्पोटा मर्ममतुन एरपाट किया हिल्‍लिर अदुनहाटीं नना मीपोर्रो इंका बर्वु वाटोन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 20:10

अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 20:8

अस्‍के आ देय्यम पलाते वासि, बूमिपोर्रो नालुं मूलाने मनना अन्‍नि देसेल्‍कुनोर्कुन इत्‍ते, गोग, मागोग इनना लोकुल्‍कुन नडेह कीसि लडाइहाटीं जमा कींता. समुद्रमता उस्केलेसीं लेक्‍का परवच्‍चोन लोकुल्‍क ओर मंतुर.

पेन हुपिस्‍ता पोल्‍लें 3:9

हूळा! नना देय्यमता दर्मसास्‍त्रम कराहना लोता लोकुल्‍कुन निहगा वायागोटंतन, ओर “मोमोट यहुदिर्क आंदुम इंचि इंतुर” ओर यहुदि आयुर गानि ओर आबद्‍दम वळ्कसेक मंतुर. नना ओर्कुन निहागा तायसि नीवा काल्क मोळ्‍का गोटांतन. अस्‍के नना मीकुन बच्‍चोन पावरम कींतन इंचि ओर्क तेळियंता.

पेन हुपिस्‍ता पोल्‍लें 9:1

पजा हेय्युंगो दूता तूताकोम उह्कता, अस्‍के मब्बुनाल उंदि सुक्‍का बूमिपोर्रो अरता. आ सुक्‍काक वेल्‍लेन लोत मत्‍ता पोक्‍काता चाबि हीतद नना हूळतन.

पेन हुपिस्‍ता पोल्‍लें 9:20

अव गंडाल्कुनाहेंदाल अच्‍चोन तिप्‍पल्‍क वायिनागानि बोर अय्ते हाया हिल्‍लुरो, ओर ओरा कराब कबाह्कुनाल मनसु मार्सकुन्‍ना हिल्‍लुर. ओर देय्याल्कुन इत्‍ते, वळ्का पर्रुवव, केंजा पर्रुवव, ताका पर्रुवव बंगारम, एंडि, रागि, बंडा, कट्‍टेतोनि तयार कीता बोम्मन मोळ्‍कसेकेन मत्‍तुर.