पेन हुपिस्‍ता पोल्‍लें 12:3 - पवित्र पोल्‍ले

³ पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 12:3 Iomraidhean Croise

पेन हुपिस्‍ता पोल्‍लें 12:1

अद आता पजा, स्वर्गमते नाकु उंदि पेद्‍दा चिन्‍ह दिस्ता. अद बतल इत्‍ते, उंदि मुरतळ पोडदुन कप्पिडलेसीं पोंडसि मत्‍ता. दाना काल्कुना हिळु वेळसि आनि तल्‍लापोर्रो बारे पन्‍नेंड सुक्‍काना किरिटम मत्‍ता.

पेन हुपिस्‍ता पोल्‍लें 12:13

बस्के अय्ते अद तरासतुन बूमिपोर्रो दोब्सीतुर, अस्‍के अद तरास आ पेळान कंता मुर्ताटुन परेसान कियालय दान पज्जो दल्‍गता.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 12:7

पजा स्वर्गमते उंदि लडाइ आता. पेनदा मिकायेल इनना दूता, दाना दंटा दूतन पीसोंचि, मासुल तरास आनि दाना दूतानतोनि लडाइ कीता. अस्‍के मासुल तरासगुडा दाना दूतन पीसि मिकायेलुनतोनि लडाइ कीता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:1

पजा नना उंदि जिवरासि समुद्रमताल पेय्सानद हूळतन, दानकु पदि कोह्कु, एडुं तल्‍लां मत्‍तां. कोह्कुनपोर्रो पदि किरिटाल्कु मत्‍तां, तल्‍लानपोर्रो पेनदुन अपमानम कियानव पोरोलीं रासि मत्‍तां.

पेन हुपिस्‍ता पोल्‍लें 13:2

नना हूळता जिवरासि सिर्तागंडुनलेसीं मत्‍ता, दाना काल्क एडजुना काल्कुनालेसीं मत्‍तां आनि दाना तोड्‍डि सिंहमता तोड्‍डिलेसीं मत्‍ता. मासुल तरास दाना ताकत, दाना राजगद्‍दे आनि पेद्‍दा अदिकारम आ जिवरासिक हीता.

पेन हुपिस्‍ता पोल्‍लें 13:4

अद जिवरासिक मासुल तरास अदिकारम हीताहाटीं अंटोर मासुल तरासतुन मोळ्‍कालय दल्‍गतुर. पजा ओर, “अद जिवरासितालेसीं बोरन्‍ना मंतुरा? दानतोनि बोरन्‍ना लडाइ किया पर्रांतुरा?” इंचि अद जिवरासितुनगुळा मोळ्‍कालय दल्‍गतुर.

पेन हुपिस्‍ता पोल्‍लें 15:1

अस्‍के स्वर्गमते नना मरुंदि पेद्‍दा इचंत्रमता चिन्‍ह हूळतन. अद बतल इत्‍ते, एडुं दूतानगा, एडुं गंडाल्कु मत्‍तां. अव आकिरता गंडाल्कु आंदुं. अव आता पजा पेनदा होंग सल्‍लारंता.

पेन हुपिस्‍ता पोल्‍लें 16:13

पजा नना अद मासुल तरासता तोळ्‍दाल, आ जिवरासिता तोळ्‍दाल, पेनदा आबद्‍दम कबुरतोना तोळ्‍दाल पन्‍नेतसोंटा मूड दुस्‍टात्मां पलाते पेय्सानद हूळतन.

पेन हुपिस्‍ता पोल्‍लें 17:12

निमे हूळता पदि कोह्कु इत्‍ते, ओर पदि राजालोर आंदुर. आ राजालोर इदवेरादाका राज्येम ताकसा हिल्‍लुर गानि ओर्कु आ जिवरासितोनि उंदि गंटादाका राज्येम ताकसना अदिकारम हियमळ जर्गंता.

पेन हुपिस्‍ता पोल्‍लें 17:16

इंका निमे हूळता जिवरासि आनि दाना पदि कोह्कु, आ बोगमतनम कीता मुरतटुन हैय्सों. दान दिक्‍कु हिल्‍लाकोंटा कीसि दाना कपडिं हिलाकोंटा कींतां. दाना मेंदुलता हव्‍विन तिंचि, तळमिते वाटसींतां.

पेन हुपिस्‍ता पोल्‍लें 17:7

अस्‍के पेनदा दूता नाकुन, “निमे इचंत्रम बारि आतिन? नना इद मुरतळता आनि अद उद्‍दिस मत्‍ता पदि कोह्कु आनि एडुं तल्‍लां मत्‍ता जिवरासिता मर्ममतुन वेहांतन,

पेन हुपिस्‍ता पोल्‍लें 19:12

ओना कळ्‍क पोत्‍तना तळमितालेसीं मंतां, ओना तल्‍लापोर्रो वेल्‍लेन किरिटाल्कु मत्‍तां. ओनापोर्रो उंदि पोरोलगुडा रासि मंता, आ पोरोलता अर्तम ओन्क तप्‍पा बोर्के तेळियो

पेन हुपिस्‍ता पोल्‍लें 20:2

पजा आ दूता, बदुन अय्ते इबलीस, देय्यम इंतुरो आ पळाना मासुल तरासतुन दोर्कापीसि वेय वर्सानाहाटीं दोहाचि वाटता.