पेन हुपिस्‍ता पोल्‍लें 12:11 - पवित्र पोल्‍ले

¹¹ गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 12:11 Iomraidhean Croise

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

प्रेरितुल्‍कुना कबाह्‍क 21:13

अस्‍के, “इल्‍हा अळसि-अळसि नावा मनसुन कमजोर बारि कीसंतिर? नना येरुसलेम सहरते सिराप दोहांतुर इंचि आयो गानि, येसु सामिना पोरोलहाटीं हायालयगुडा तयार मंतन,” इंचि पौलुस इत्‍तोर.

रोम सहरतोरहाटीं पौलुसना सिट्‍टि 16:20

मनाकु सांति हियना पेन बिराने देय्यमतुन मीवा काल्कुनगा तच्‍चि जारसि पोहंता. मना सामि येसु किरिस्‍तुनद मीवापोर्रो कुर्पा मन्‍निकांटी, आमेन.

1 कुरेंति 15:57

मना सामि येसु किरिस्‍तुनाहेंदाल पेन मनाकुन गेल्‍सागोटंता. अदुनहाटीं पेनदुक दन्यवाद.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

1 योहान 5:5

येसु पेनदा मर्रि इंचि बोरय्ते विस्वासम कींतोर, ओरे दुनियापोर्रो गेल्संतोर.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 2:17

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर ओन्क मक्‍किचि इरता मन्‍ना आनि उंदि तेल्‍ला बंडा हींतन. आ बंडापोर्रो उंदि पूना पोरोल रासि मनंता अद बोन्क अय्ते दोर्कार ओन्‍के तेळियार.

पेन हुपिस्‍ता पोल्‍लें 2:26

बोर अय्ते गेल्सि आकिरदाका नावा कबाह्‍कुन कींतोर ओन्क नना अन्‍नि दुनियाता अन्‍नि देसेल्‍कुना लोकुल्‍कुनपोर्रो अदिकारम हींतन.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 3:12

बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 3:5

बोर अय्ते गेल्सांतोर, ओन्क इसोंटा तेल्‍ला कपडिं केर्समड जर्गार आनि नना ओना पोरोल्तुन पिस्वरता पुस्‍तकमताल तंचि पोहोन. अल्‍हेने नावा बाबाना मुन्‍ने आनि दूताना मुन्‍ने ओना पोरोलतुन ओपकुंतन.

पेन हुपिस्‍ता पोल्‍लें 6:9

गोर्रे पोरि हेय्युंगो सिक्‍कातुन नेम्‍हाचि विच्‍चुतस्के, पेनदा पोल्‍लें लोकुल्‍कुंक वेहताहाटीं आनि ओरा गवाइ वेहताहाटीं मोक्‍कु हिय्यना गद्‍दे हिळु हव्‍किसि मत्‍तोर्कुना आत्मान हूळतन.