पेन हुपिस्‍ता पोल्‍लें 12:10 - पवित्र पोल्‍ले

¹⁰ पजा स्वर्गमताल उंदि पेद्‍दा लेंग केंजावाता. अद इल्‍हा मत्‍ता, “मा पेनदा मुन्‍ने मावा विस्वासुल्‍कुनपोर्रो नर्का-पिय्यल बस्‍केळ्‍क दोसेम दोस्सेके मनानदुन हिळु बूमिपोर्रो दोब्‍बिसीयमळ जर्गता. अदुनहाटीं पेन मनाकु हियना मुक्‍ति, ताकत, राज्येम आनि दाना किरिस्‍तुना अदिकारम पलाते अरता.

पेन हुपिस्‍ता पोल्‍लें 12:10 Iomraidhean Croise

मत्‍तयाल 26:64

अस्‍के येसु ओन इल्‍हा इत्‍तोर. “निमे इत्‍तिन अद निजमे! गानि नना मीकु वेहांतन, इंका मुन्‍ने मिमेट मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनपोर्रो उद्‍दिसि वायानेंके हूळकिर,” इत्‍तोर.

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

मत्‍तयाल 6:10

निमेन मापोर्रो राज्येम कीम, स्वर्गमते नीवा इच्‍चा बल्हा पूरा आंतानो, अल्हेन ई बूमिपोर्रोगुडा आयिकांटी.

लूकाल 11:2

अस्‍के येसु ओर्कुन, मिमेट पारतना कियनेंके इल्‍हा इंटु, “ए मावा पेनबाबा, नीवा पोरोलतुन अंटोर कदर कियिरकांटी. निमेन मापोर्रो राज्येम कीम.

लूकाल 22:31

येसु मर्रा सिमोन पत्रुन, “सिमोनु, ए सिमोनु हिके केंजा! मीकुन अंटोर्कुन वंजिन हेचाहताप हेचाहचि मी अंटोरा विस्वासमता पट्‍टु हूळानाहाटीं पेद्‍दा देय्यम पेनदुन अदिकारम तल्कता.

1 कुरेंति 5:4

बस्के अय्ते मिमेट येसु सामिना पोरोलते उंदगा जमा आसि उदंतिर, अस्‍के आत्माते अगा मनंतन, अल्‍हेने मना सामि येसुना ताकत मीवातोनि मनंता.

2 कुरेंति 12:9

गानि सामि नाकुन, “नावा कुर्पा नीकु सालांता, बारित्‍ते निमे कमजोर मत्‍तस्‍केन नावा ताकत कबळ कींता,” इंचि जवाब हीतोर. अदुनहाटीं नना कमजोर मत्‍तस्के किरिस्‍तुना ताकत नाकु तोळ आयागोम इंचि वेल्‍लेने कुसिते पेद्‍दिरकेम कीसेक मंतन.

तीतु 2:3

अल्‍हेने मातरिह्कुंक करहा गदा, अवुना पिस्वर पवित्र लोकुल्‍कुना पिस्वरलेह्का मंदना. वेरेतोरा पोर्रो दोसेल्क दोस्साकोंटा, कल्कु उनाकोंटा, अव बस्‍केळ्‍क बेसता बारेमतेन कराहगोम.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 2:26

बोर अय्ते गेल्सि आकिरदाका नावा कबाह्‍कुन कींतोर ओन्क नना अन्‍नि दुनियाता अन्‍नि देसेल्‍कुना लोकुल्‍कुनपोर्रो अदिकारम हींतन.

पेन हुपिस्‍ता पोल्‍लें 7:10

ओर अंटोर पेद्‍दा आवाजते, “राजगद्‍देपोर्रो उद्‍दिस मनना मना पेनबाबानगा, गोर्रे पोरिनगा मुक्‍ति हियना सक्‍ति मंता” इंचि इनालय दल्‍गतुर.