पेन हुपिस्‍ता पोल्‍लें 12:1 - पवित्र पोल्‍ले

¹ अद आता पजा, स्वर्गमते नाकु उंदि पेद्‍दा चिन्‍ह दिस्ता. अद बतल इत्‍ते, उंदि मुरतळ पोडदुन कप्पिडलेसीं पोंडसि मत्‍ता. दाना काल्कुना हिळु वेळसि आनि तल्‍लापोर्रो बारे पन्‍नेंड सुक्‍काना किरिटम मत्‍ता.

पेन हुपिस्‍ता पोल्‍लें 12:1 Iomraidhean Croise

मत्‍तयाल 12:38

अस्‍के इच्‍चुर परिसिल्क आनि दर्मसास्‍त्रम कराहना गुरुल्क येसुनगा वासि, “गुरु, नीवा कयदाल माकु उंदि चिन्‍ह हूळना मंता,” इंचि इत्‍तुर.

मत्‍तयाल 24:30

पजा मनकना रूपमते पुटतोन नना वायना चिन्‍ह स्वर्गमते दिस्‍सार, अस्‍के बूमि पोर्रोटोर अन्‍नि जातिना लोकुल्‍क वेल्‍ले दुक्‍कम कियानुर. पजा मनकना रूपमते पुटतोन नना पेद्‍दा महिमा आनि ताकततोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मरकुस 13:25

मब्बुनाल सुक्‍कां हिळु अर्रानुं, मब्बुने मनना अन्‍नि सक्‍तिन कदलिच्‍मळ जर्गंता.

लूकाल 21:11

पेद्‍दा बूकंपाल्क आयनुं, वेरे-वेरे जेगाने कर्वु अर्रार, तीराता रोगाल्क पुट्‍टानुं. मब्बुने वेल्‍लेन वेरियनसोंटा गटनां जर्गनुं, पेद्‍दा-पेद्‍दा चिन्‍हां दिस अर्रानुं.

लूकाल 21:25

“पोळ्‍दुनपोर्रो, वेळसिपोर्रो, सुक्‍कनपोर्रो चिन्‍हां दिस्‍सानुं. इंका बूमिपोर्रो समुद्रमता आवाज आनि अव्टे तेदाना पेद्‍दा तडाना सप्पुड केंजसि देसे-देसेल्‍कुना लोकुल्‍क इरगा वेरियानुर.

योहान 3:29

मरमिन पेडल मत्‍तागेन मरमिन पेगिड मनंता. नना अय्ते मरमिन पेडाना पक्‍काते निलसि मनना ओना दंटागानसंटोन आंदुन. मरमिना पेडल बतलन्‍ना वेहते अद केंजसि आ दंटागाल वेल्‍लेन कूस आंतोर. ननागुडा अल्हेन, लोकुल्‍क ओनगा होननद हूळसि नना पुरागा कुसिते निंडसोत्‍तन.

प्रेरितुल्‍कुना कबाह्‍क 2:19

नना मब्बुने इचंत्रमता कबाह्‍क हुप्‍संतन. बूमिपोर्रो चिन्‍हां इत्‍ते, नेत्‍तुर, तडमि, मब्बुनसोंटा पोया हुप्‍संतन.

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

रोम सहरतोरहाटीं पौलुसना सिट्‍टि 3:22

अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

गलातिया 3:27

अद बल्हा इत्‍ते, बोर अय्ते किरिस्‍तुना पोरोल्ते बापतिस्मा येतंतुरो, ओर अंटोर किरिस्‍तुने कलियसोत्‍तुर.

गलातिया 4:26

गानि स्वर्गमता येरुसलेम बारे मरमिना मुत्‍तो सारानालेसीं मंता, अद मना विस्वासुल्कुना तल्‍लुर आंदु.

गलातिया 6:14

गानि नना अय्ते, मना सामि येसु किरिस्‍तु क्रुसुनपोर्रो हातोर इंचि विस्वासम कींतन, दीन पोर्रेने नाकु पूरा विस्वासम मंता. आ क्रुसुनहाटींगे दुनियाता पोल्‍लें नाक कलियों, नावा पोल्‍लें ओर्क कलियों.

इपीसि 5:32

इद अय्ते उंदि पेद्‍दा मर्मम आंद. अयना नना अय्ते किरिस्‍तु आनि कलिसियाता बारेमते वेहचंतन.

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 11:19

पजा स्वर्गमते मत्‍ता पेनदा गुळि कुल्‍ला आता. अय्ते अगा पेनदा करारकुना संदुग दिस्ता. अस्‍के इरगा मेर्समळ, उरुममळ, पिडगु वाटमळ, बुकंम आयमळ जर्गता पजा इरगा बंडां अरतां.

पेन हुपिस्‍ता पोल्‍लें 12:3

पजा स्वर्गमते नाकु इंकुंदि चिन्‍ह दिस्ता. अद बतल इत्‍ते, उंदि एर्राटा पेद्‍दा मासुल तरास मत्‍ता. दानकु एडुं तल्‍लां, पदि कोह्कु मत्‍ता. एडुं तल्‍लानपोर्रो एडुं किरिटाल्कु मत्‍तां.

पेन हुपिस्‍ता पोल्‍लें 15:1

अस्‍के स्वर्गमते नना मरुंदि पेद्‍दा इचंत्रमता चिन्‍ह हूळतन. अद बतल इत्‍ते, एडुं दूतानगा, एडुं गंडाल्कु मत्‍तां. अव आकिरता गंडाल्कु आंदुं. अव आता पजा पेनदा होंग सल्‍लारंता.

पेन हुपिस्‍ता पोल्‍लें 21:14

अद सहर सुट्‍टु मत्‍ता गूरे पन्‍नेंड पूनादिनपोर्रो निल्‍सि मत्‍ता. आ पन्‍नेंड पूनादिनपोर्रो गोर्रे पोरिना पन्‍नेंड प्रेरितुल्कुना पन्‍नेंड पोरोलीं रासि मत्‍तां.

पेन हुपिस्‍ता पोल्‍लें 21:23

अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.