पेन हुपिस्‍ता पोल्‍लें 11:8 - पवित्र पोल्‍ले

⁸ ओरा पीनगुल्कु आ पेद्‍दा सहरता हर्दे अरसि मनंतां. इगेन ओरा सामिनगुडा क्रुसुनपोर्रो वेलाड वाट्‍सि मत्‍तुर. वेरे अर्तमते, अद सहरतुन सदोम आनि इजिप्‍त इंचि इंतुर.

पेन हुपिस्‍ता पोल्‍लें 11:8 Iomraidhean Croise

मत्‍तयाल 10:15

नना मीकु निजम वेहासेक गदा, पेन न्‍यायम कियना रोजुने सदोम आनि गमोरा सहरकुना परिस्तिति आ नाह्‍कुंकन्‍ना बच्‍चोरो बेस मनंता.

प्रेरितुल्‍कुना कबाह्‍क 9:4

अल्हा आता आयमळ ओर बूमिपोर्रो अरतोर. पजा ओन्क, “साऊल, साऊल निमे नाकुन बारि तकलिप कीसंतिन?” इंचि इत्‍ताप उंदि अल्किर केंजावाता.

इब्रि 13:12

अय्ते येसुगुडा, ओना नेत्‍तुरते लोकुल्‍कुन पवित्र कियानाहाटीं येरुसलेम सहरता पलाते तिप्‍पल्‍क बोगांचि जीवा होळसतोर.

इब्रि 6:6

असंटोर पेनदा मर्रिन मर्रा अंटोरा मुन्‍ने क्रुसुनपोर्रो वेलाड वाटसि ओन बदनाम कीसंतुर. अदुनहाटीं असंटोर्कुन पेनदा विस्वासमताल लक्‍कु आयानय्ते मर्रा मनसु मार्सकुननालायक कियमळ असल कुदरेन कुदरो.

2 पत्रु 2:6

अल्‍हेने सदोम, गमोरा सहरकुने लोत इनानोर वरोर नीतिमंतुड मत्‍तोर. ओर आ सहरता दुस्‍ट लोकुल्‍कुना दुस्‍ट कबाह्‍कुनाहेंका वेल्‍ले दुक्‍कमते मनुंदुर. अदुनहाटीं पेन ओन सिक्‍साताल पिसागोटसि, आ सहरकुन बूळ्‍दि कीसि पोहता. इल्‍हा बोर अय्ते बक्‍ति हिलाका पिसंतुर ओर्कु इसोंटा सिक्‍सा वांता इंचि उदाहरनलेसीं हुपिस्‍ता.

यहुदा 1:7

अल्‍हेने सदोम, गमोरा सहरतोर, अल्हेन पकापीसि मत्‍ता सहरकुनोर व्यबिचारम कीतुर आनि परायतोर पज्जो अर्सि मत्‍तुर. इद उंदि उदाहरनलेसीं, ओर बस्‍केळ्‍क पोत्‍तना तळमिते सिक्‍सा बोगांचेक मंतुर.

पेन हुपिस्‍ता पोल्‍लें 11:13

अच्‍चोटेन अदे वेलाते अगा पेद्‍दा बुकंप आता, अद सहरता पदि बागाल्कुनाल उंदि बागम नासडेम आता. अद बुकंपता हेंदाल एडुं वेय्‍कुना लोकुल्‍क हासि होत्‍तुर. आनि बोर अय्ते पिस्सि मत्‍तुरो, ओर इरगा वेरियतुर, वेरियसि स्वर्गमते मनना पेनदा महिमा कीतुर.

पेन हुपिस्‍ता पोल्‍लें 11:9

मूडुननरा रोजकुनदाका अन्‍नि जातिनोर, हरेक बासा वळ्कानोर, अंटोर लोकुल्‍क, दुनियाता अन्‍नि देसेल्‍कुनोर ओरा पीनगुल्कुन हूळांतुर, गानि ओर्कुन बोंदा मात्रम दोस्‍सा हिय्युर.

पेन हुपिस्‍ता पोल्‍लें 14:20

पजा सहरता पलाते मत्‍ता गानगुनगा गानगु पियमळ जर्गता. अद गानगुताल नेत्‍तुर पोर्रो वाता. अद नेत्‍तुर इच्‍चोर पेय्सता गदा, गुर्राल्कुना मोसोटुन दोहाना पट्‍टानच्‍चोर एत्‍तु आनि मूड नुह्कुना किलोमिटर पोंगसेक होत्‍ता.

पेन हुपिस्‍ता पोल्‍लें 14:8

अद आता पजा इंकुंदि दूता वासि, “नासडेम आता, नासडेम आता, पेद्‍दा बेबिलोन सहर नासडेम आता, अद अन्‍नि जातिना लोकुल्‍कुंक दाना बोगमतनमता होंग वायानसोंटा कल्‍लु उह्ता” इंचि इत्‍ता.

पेन हुपिस्‍ता पोल्‍लें 16:19

अस्‍के आ पेद्‍दा सहरता मूड तुकळां आतां. वेरे-वेरे देसेल्‍कुना सहरकंता कूल्‍सि अरतां. पेन दाना तलातला आयाना होंगुना अंगुर कल्‍दुन पेद्‍दा बेबिलोन सहरकु उहानाहाटीं अद मति मर्गाहिल्‍ले.

पेन हुपिस्‍ता पोल्‍लें 17:1

अस्‍के गंडाल्कुना एडुं वाटिं पीसि मत्‍ता दूतानाल उंदि दूता नाकुन, “हिक्‍के वा! वेल्‍लेन एता जलनपोर्रो उद्‍दिस मत्‍ता बोगमदान्‍कु दोर्काना सिक्‍सा बदो नीकु हुप्‍संतन,

पेन हुपिस्‍ता पोल्‍लें 17:18

इंका निमे हूळता मुरतळ इत्‍ते, दुनियाता राजालोरपोर्रो राज्येम कियाना पेद्‍दा सहर आंदु” इंचि वेहता.

पेन हुपिस्‍ता पोल्‍लें 17:5

दाना कपालमपोर्रो, “पेद्‍दा बेबिलोन, बोगामोताह्‍कुना अल्हेन हय्‍सुवा वस्‍तुकुना तल्‍लुर” इंचि मर्ममते रासि मत्‍ता.

पेन हुपिस्‍ता पोल्‍लें 18:10

ओर दाना तकलिपकुन हूळसि, वेरियसि वेल्‍लेन लक्‍कु होंचि नित्‍तिसि, “अय्यो पेद्‍दा सहर, ताकत मत्‍ता बेबिलोन, उंदे गंटालोप्‍पो नीपोर्रो पेनदा सिक्‍सा वासि अरता” इंचि इनानुर.

पेन हुपिस्‍ता पोल्‍लें 18:18

अद सहर वेयाना पोया हूळसि, “अद सहरतालेसीं पेद्‍दा सहर बदाना मंताना?” इंचि इनानुर.

पेन हुपिस्‍ता पोल्‍लें 18:2

आ दूता पेद्‍दा आवाजते वरगेयसि, “हिळारता, बेबिलोन पेद्‍दा सहर हिळारता. इंदके अद देय्याल्क, दुस्‍ट आत्मां मनना जागा आता. बताके ओज्‍जुवव आनि हय्‍सुवा पिट्‍टें अगा जागा पीतां.

पेन हुपिस्‍ता पोल्‍लें 18:21

अस्‍के वेल्‍लेन बलम मत्‍ता उंदि पेनदा दूता, जोत्‍तातसोंटा पेद्‍दा बंडातुन तेहचि समुद्रमते वाटसि इल्‍हा इत्‍ता, “पेद्‍दा बेबिलोन सहरतुन नासडेम कियानाहाटीं पेनगुडा इल्हे पोच्‍चंता, पजा अद मर्रा बस्‍केन दिस्‍साकोंटा आयार.

पेन हुपिस्‍ता पोल्‍लें 18:24

निहगा पेनदा कबुरतोरा नेत्‍तुर, पेनदा लोकुल्‍कुना नेत्‍तुर अल्‍हेने वेरे लोकुल्‍कुना नेत्‍तुर दिस्ता” इंचि वेहता.