पेन हुपिस्‍ता पोल्‍लें 11:6 - पवित्र पोल्‍ले

⁶ आ गवाइदार्क बविस्यवानि कियाना रोजकुने ओक्‍कला पिर्रु वायानय्ते अदुन आपाना अदिकारम ओर्कु हीसि मत्‍ता. अचोने आयाका ओर्कु बस्के अनपिस्‍ते अस्‍के, एतुन नेत्‍तुरते मार्समळ आनि बूमिपोर्रोटा लोकुल्‍कुंक तीराता तकलिप्क हियना अदिकारमगुडा ओर्कु हीसि मत्‍ता.

पेन हुपिस्‍ता पोल्‍लें 11:6 Iomraidhean Croise

लूकाल 4:25

अद बल्हा इत्‍ते, पेनदा कबुरतोर एलियाहना कालमते बतल जर्गुता मीकु एर्केना? अस्‍के पूरा देसेमते मूड वर्सां हारुं नेल्कुनदाका पिर्रु वाया हिल्‍ले, अदुनहाटीं वेल्‍ले कर्वु अर्सि मत्‍ता. नना मीकु निजम वेहांतन, अद वेलाते इस्राएल देसेमते वेल्‍लेने मुंडामोस्ता मुर्ताह्क मत्‍तां.

पेन हुपिस्‍ता पोल्‍लें 11:3

पजा नना नावा इव्वुर गवाइदारकुंक बविस्यवानि कियाना अदिकारम हींतन, ओर पोतां हुटकुंचि पन्‍नेंड नुह्कुना अरवै रोजकुनदाका बविस्यवानि कींतुर.”

पेन हुपिस्‍ता पोल्‍लें 16:3

पेनदा रोंडो दूता दाना वाटितुन समुद्रमते वळियसीता, अस्‍के अद समुद्रम हाता मनकना नेत्‍तुरलेसीं आसोत्‍ता, पजा समुद्रमते मनानव अन्‍नि जिवरासि हासोत्‍तां.

पेन हुपिस्‍ता पोल्‍लें 16:4

पेनदा मूडोव दूता दाना वाटितुन बेरेह्कुने आनि एता ऊटान पोर्रो वळियसीता, अस्‍के अव्टे मत्‍ता पूरा एर नेत्‍तुरलेसीं आसोत्‍ता.

पेन हुपिस्‍ता पोल्‍लें 8:8

रोंडो दूता तूताकोम उह्कता, अस्‍के तळमितोनि पोतसेके मत्‍ता उंदि पेद्‍दा गुट्‍टातसोंटद बतलो समुद्रमते वाटमळ जर्गता. दानहेंदाल समुद्रमता मूड बागाल्कुनाल उंदि बागम नेत्‍तुरलेसीं आसोत्‍ता.