पेन हुपिस्‍ता पोल्‍लें 11:2 - पवित्र पोल्‍ले

² गानि गुळिता पलाते दारातुन कहामा, अद यहुदि आयवोर्कुंक हीसि मंता. पवित्र सहरतुन नल्‍पै रोंडु नेल्‍लांदाका ओर जारांतुर.

पेन हुपिस्‍ता पोल्‍लें 11:2 Iomraidhean Croise

मत्‍तयाल 27:53

येसु मर्रा जीवाते तेदतस्‍के, ओर अंटोर बोंदानाल पेय्सि येरुसलेम इनना पवित्र सहरते वेल्‍लेटुर लोकुल्‍कुंक दिसतुर.

मत्‍तयाल 4:5

पजा आ पेद्‍दा देय्यम येसुन येरुसलेम इनना पवित्र सहरते ओसि, गुळि पोर्रो कोस्‍सक निल्‍हाचि इल्‍हा इत्‍ता.

मत्‍तयाल 5:13

मिमेट दुनियातोराहाटीं होव्वोरतसंटोर आंदिर. ओक्‍कला होव्वोर, होव्वोरलेसीं रुसि वायाकोंटे अव्टे मर्रा बल्हा होव्वोर रुसि तरा परांतोम? अस्‍के अद बता कबळ्‍क ओज्‍जो. अद पलाते पोहचियना कबळ्‍के ओज्जंता, लोकुल्‍क दान जारसेके दांतुर.

लूकाल 21:24

इच्‍चुर मनकालोर कसेह्कुने कोह्‍ककुंचि हायानुर, इंक्‍किच्‍चुर मनकालोर्कुन बारे वेरे देसेमतोर्कुंक दोर्कापीसि हियनुर. पजा यहुदि आयवा लोकुरा कालम मारनदाका, ओर येरुसलेमता लोकुल्‍कुन ओरा कादा हिळु जारसि इर्रानुर.

इब्रि 10:29

अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.

पेन हुपिस्‍ता पोल्‍लें 11:11

गानि मूडुननरा रोजकुना पज्जो, पेनदाहेंदाल पिस्वरता ऊपिर वासि ओरव्टे नेंगता. अस्‍के ओर तेदसि निततुर. अस्‍के ओर्कुन हूळता लोकुल्‍क इरगा वेरियतुर.

पेन हुपिस्‍ता पोल्‍लें 11:3

पजा नना नावा इव्वुर गवाइदारकुंक बविस्यवानि कियाना अदिकारम हींतन, ओर पोतां हुटकुंचि पन्‍नेंड नुह्कुना अरवै रोजकुनदाका बविस्यवानि कींतुर.”

पेन हुपिस्‍ता पोल्‍लें 12:6

अस्‍के अद मुरतळ बय्‍लि जेगातेके वित्‍तुता. अगा दानाहाटीं, पंन्‍नेड नुह्कुना अरवै रोजकुनदाका बेस हूळकुननाहाटीं पेन जेगा तयार कीसि मत्‍ता.

पेन हुपिस्‍ता पोल्‍लें 21:10

अस्‍के आ दूता, नना पवित्र आत्माते निंडिसि मन्‍नेंके नाकुन उंदि पेद्‍दा एत्‍तु गुट्‍टापोर्रो ओता. ओसि, पेनदागटाल पवित्र येरुसलेम सहर स्वर्गमताल हिळु रेयानदुन नाकु हुपिस्‍ता.

पेन हुपिस्‍ता पोल्‍लें 21:2

अस्‍के, पेनदागटाल पवित्र सहर पूना येरुसलेम, स्वर्गमताल हिळु रेयानद नना हूळतन. मरमिना पेडानाहाटीं, मरमिना पेगिड बल्हा तयार आंता, अल्हा अद सहर दिस्सेक मत्‍ता.

पेन हुपिस्‍ता पोल्‍लें 22:19

अल्‍हेने ओक्‍कला बोरन्‍ना, इद पुस्तकमते रासि मत्‍ता मुन्‍ने जर्गाना पोल्‍लेनाल, बदन्‍ना पोल्‍लेतुन तक्‍को किय्‍यिना, इद पुस्तकमते वेह्‍चि मत्‍ता, पिस्वर हियना मरा आनि पवित्र सहरताल पेन ओना हिस्सातुन तेंडकुंता.