पेन हुपिस्‍ता पोल्‍लें 11:16 - पवित्र पोल्‍ले

¹⁶ अल्हा इत्‍तस्के, राजगद्‍देन पोर्रो उद्‍दिस मत्‍ता आ इरवै नालुर पेद्‍दाल्क पेनदा मुन्‍ने काल्कुनगा बोकबोर्लें अर्सि, पेनदुक आरादना कीतुर.

पेन हुपिस्‍ता पोल्‍लें 11:16 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

पेन हुपिस्‍ता पोल्‍लें 19:4

अस्‍के आ इरवै नालुर एनकटा पेद्‍दाल्क आनि आ नालुं जिवरासीं राजगद्‍देपोर्रो उद्‍दिस मत्‍ता पेनदा काल्कुनगा टोंगरां ऊनसि, “आमीन हालेलुया!” इंचि मोळ्‍कतुर.

पेन हुपिस्‍ता पोल्‍लें 4:10

अस्‍के ओर इरवै नालुर पेद्‍दाल्क पेनदा मुन्‍ने टोंगरां ऊनसि ओरा तल्‍लानपोर्रो मत्‍ता किरिटाल्कुन हिळु इर्सि,

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 5:14

अस्‍के जीवाते मनना नालुं जिवरासीं “आमीन” इत्‍तां. पजा पेद्‍दाल्क टोंगरां ऊनसि आरादना कीतुर.

पेन हुपिस्‍ता पोल्‍लें 7:11

अन्‍नि दूतां राजगद्‍दे सुट्‍टु, पेद्‍दाल्क आनि जीवाते मत्‍ता आ नालुं जिवरासिना सुट्‍टु नित्‍तिसि मत्‍तां. अव अन्‍नि दूतां राजगद्‍दे मुन्‍ने बोक-बोर्लें अर्सि पेनदुन आरादना कीसेके इल्‍हा इनालय दल्‍गतां, “आमीन, स्‍तुति, महिमा, तेल्वि, ताकत आनि दन्यवाद बस्‍केळ्‍ताहाटीं मावा पेनदावे आंदुं, आमीन” इंचि इत्‍तां.