पेन हुपिस्‍ता पोल्‍लें 11:1 - पवित्र पोल्‍ले

¹ पजा, कहाना पट्‍टितसोंटद उंदि पट्‍टि हीसि बोरो नाक इल्‍हा वेहतोर, “निमे तेदसि, पेनदा गुळितुन आनि गद्‍देतुन कहा. इंका गुळितगा बच्‍चोर लोकुल्‍क अय्ते आरादना कींतुर ओर्कुन लेक्‍का.

पेन हुपिस्‍ता पोल्‍लें 11:1 Iomraidhean Croise

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

पेन हुपिस्‍ता पोल्‍लें 10:11

पजा आ दूता नाकुन, “मरुंदि मल्का निमे होंचि हरेक बासा वळकानोर्कुंक, राजुल्‍कुंक, वेल्‍लेन लोकुल्‍कुंक आनि दुनियाता अन्‍नि देसेल्‍कनोर्कुंक, वायाना कालमते ओरपोर्रो बतल जर्गानद मंतानो, अदुना बारेमते बविस्यवानि वेहा” इंचि इत्‍ता.

पेन हुपिस्‍ता पोल्‍लें 21:15

नातोनि वळ्कता दूतातगा, अद सहरतुन, दाना गूरेन आनि दाना गल्‍मन कहालय, बंगारमता उंदि सलाकि मत्‍ता.