पेन हुपिस्‍ता पोल्‍लें 1:9 - पवित्र पोल्‍ले

⁹ नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 1:9 Iomraidhean Croise

मत्‍तयाल 20:23

पजा येसु ओर्कुन इल्‍हा इत्‍तोर, “नना कस्‍टाल्‍क बोगांचताप मिमेट बोगांचा परकिट, निजमे! गानि राज्येम कियनेंके, नावा तिना बाजुंक आनि नावा डेमा बाजुंक उपिच्‍चना अदिकार नाक हिल्‍ले. अव जेगां बोराहाटीं ना बाबाल तयार कीतोरो, ओरे अगा उद्‍दंतुर,” इत्‍तोर.

मरकुस 10:39

अस्‍के “हो, मोमोट तयार मंतोम,” इंचि ओर इत्‍तुर. अस्‍के येसु ओर्कुन इल्‍हा इत्‍तोर, “नना कस्‍टाल्‍क बोगांचताप मिमेट बोगांचा परकिट आनि नना एताना बापतिस्मा मिमेटगुडा एता परकिट.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 14:22

अगा होंचि, “पेनदा राज्येमते होनना इत्‍ते तिप्‍पल्‍क वांतां, दानाहाटीं विस्वासमते गट्‍टिगासि मंटु,” इंचि वेहचि दैरनेम हीतोर.

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

रोम सहरतोरहाटीं पौलुसना सिट्‍टि 8:25

गानि बतल अय्ते मनाकु दोर्काहिल्‍ले, अदुना आसे पळानय्ते मात्रम मनम वेल्‍लेने ओप्‍केते, विस्वासमते एदुर हूळसेक मनांतोम.

2 कुरेंति 1:7

मावा तकलिपते मिमेट बल्हा कलियसि मंतिरो अल्‍हेने मावा सांतितेगुडा मिमेट कलियसि मंतिर. अदुनहाटीं मीवा बारेमते मावा आसे गट्‍टिगा मंता.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 4:14

बतलन्‍ना आयि, मिमेट नावा तकलिपते सहायम कीतिर, बेस कीतिर.

2 तेसलोनि 3:5

सामि मीवा मनसुकुन पेनदा पावरमते अल्‍हेने किरिस्‍तुना गट्‍टि ओप्‍केते ताकसा परांतोर.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

इब्रि 10:36

मिमेट दैरनेमते सहन कियमळ अव्‍सरमे मंता, अल्हा मत्‍तेन मिमेट पेनदा इच्‍चातुन पुरागा किया परकिट आनि पेन मीकु बतल अय्ते हींतन इंचि पोल्‍ले हीतानो अद मीकु दोर्कार.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

पेन हुपिस्‍ता पोल्‍लें 1:1

इव पोल्‍लें, वायाना कालमते बिरानेन जर्गानव आंदुं, इवुन येसु किरिस्‍तु ओना सेवाकुल्कुंक वेहना इंचि पेन ओन्क अप्पजेपता. अस्‍के येसु ओना उंदि दूतातुन योहान इनना वरोन सेवाकुनगा लोहचि, ओन्क रासालय वेहतोर.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.

पेन हुपिस्‍ता पोल्‍लें 1:6

मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 13:10

जेलुंक होनना मत्‍तोर, जेलने अर्रानुर. बोर अय्ते कसेटे हव्कंतोर, ओनगुडा कसेटेन हव्‍कमळ जर्गार. इदुन पीसि पेनदा लोकुल्‍कुना विस्वासम, ओप्के दिस अर्रंता.

पेन हुपिस्‍ता पोल्‍लें 14:12

अदुनहाटीं पेनदा आदेस परकारम ताकानोर आनि येसु सामिना पोर्रो विस्वासम कियाना पेनदा लोकुल्‍क तिप्पल्कुने ओप्के पियमळे गावाले.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 6:9

गोर्रे पोरि हेय्युंगो सिक्‍कातुन नेम्‍हाचि विच्‍चुतस्के, पेनदा पोल्‍लें लोकुल्‍कुंक वेहताहाटीं आनि ओरा गवाइ वेहताहाटीं मोक्‍कु हिय्यना गद्‍दे हिळु हव्‍किसि मत्‍तोर्कुना आत्मान हूळतन.

पेन हुपिस्‍ता पोल्‍लें 7:14

अस्‍के, “नीकु एरपाटे महाराज,” इंचि नना ओन इत्‍तन. अस्‍के ओर, “ईर अंटोर वेल्‍ले तिप्पल्कुनाल पलाते वातोर आंदुर. ईर ईरा कपडिं गोर्रे पोरिना नेत्‍तुरते हुक्‍किसि तेल्‍लगा कीतुर आंदुर.