पेन हुपिस्‍ता पोल्‍लें 1:7 - पवित्र पोल्‍ले

⁷ हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 1:7 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मत्‍तयाल 16:28

नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, मनकना रूपमते पुटतोन नाकुन नावा राज्येमते वायनेंके बदवेरदाका अय्ते हूळुर, अदवेरदाका ओर्कु हामुर वायो,” इंचि इत्‍तोर.

मत्‍तयाल 24:30

पजा मनकना रूपमते पुटतोन नना वायना चिन्‍ह स्वर्गमते दिस्‍सार, अस्‍के बूमि पोर्रोटोर अन्‍नि जातिना लोकुल्‍क वेल्‍ले दुक्‍कम कियानुर. पजा मनकना रूपमते पुटतोन नना पेद्‍दा महिमा आनि ताकततोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मत्‍तयाल 25:31

मर्रा येसु इल्‍हा वळकालय दल्‍गुतोर. बस्के अय्ते मनकना रूपमते पुटतोन नना नावा महिमाते राजाल आसि अन्‍नि दूतनतोनि वांतन, अस्‍के नावा अदिकारमते राजगद्‍देपोर्रो उद्‍दंतन.

मत्‍तयाल 26:64

अस्‍के येसु ओन इल्‍हा इत्‍तोर. “निमे इत्‍तिन अद निजमे! गानि नना मीकु वेहांतन, इंका मुन्‍ने मिमेट मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनपोर्रो उद्‍दिसि वायानेंके हूळकिर,” इत्‍तोर.

मरकुस 13:26

अस्‍के मनकना रूपमते पुटतोन नना, पेद्‍दा बलम आनि महिमातोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मरकुस 14:62

अस्‍के येसु इत्‍तोर. “हो, ननाने आंदुन. आनि मनकना रूपमते पुटतोन नाकुन ताकतवर पेनदा तिना बाजुंक उद्‍दिसि मत्‍तद आनि मब्बु तेर्पेनतोनि वायानद मिमेट हूळकिर,” इत्‍तोर.

लूकाल 21:27

अस्‍के मनकना रूपमते पुटतोन नना, ताकत आनि पेद्‍दा महिमातोनि, मब्बु तेर्पेनपोर्रो वायानेंके लोकुल्‍क हूळानुर.

योहान 19:34

गानि ओराव्टेटाल वरोर सिपाइ येसुना संका हिळु, गोर्काते कोह्कतोर. अय्ते कोह्कता कोह्कुळे नेत्‍तुर आनि एर पोंगता.

1 तेसलोनि 1:10

पेन येसुन हातोरव्टेटाल तेहता. इंदके स्वर्गमताल दाना मर्रि येसु मल्सि वायानदुन एदुर हूळसेक मंतिर, इंचि इव पोल्‍लें अंटोर्क वेहासेक मंतुर. वायाना पेनदा होंगुनाल ओरे येसु मनाकुन पिसागोटंतोर.

1 तेसलोनि 4:17

पजा ओरतोनि पिस्सि मत्‍ता मनाकुनगुडा, मब्बु तेर्पेनपोर्रो वळिते किरिस्‍तुनतोनि कलियालय तेहकुंचि ओयमळ जर्गंता. इल्‍हा मनम बस्‍केळ्‍क सामिनतोनि मनंतोम.

इब्रि 10:29

अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.

इब्रि 6:6

असंटोर पेनदा मर्रिन मर्रा अंटोरा मुन्‍ने क्रुसुनपोर्रो वेलाड वाटसि ओन बदनाम कीसंतुर. अदुनहाटीं असंटोर्कुन पेनदा विस्वासमताल लक्‍कु आयानय्ते मर्रा मनसु मार्सकुननालायक कियमळ असल कुदरेन कुदरो.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

यहुदा 1:14

आदामनगटाल एडुंगो पीळितोर हानोक इनानोर ईरा बारेमते इल्‍हा बविस्यवानि कीतोर, “हूळा, सामि वेय्‍कुना पवित्र लोकुल्‍कुनतोनि अंटोरा न्‍यायम कियालय वांतोर. ओर अंटोर बक्‍ति हिल्वा लोकुल्‍क ओर कीता अन्‍नि तप्‍पुड कबाह्कुनाहाटीं अल्हेन बक्‍ति हिल्वा पापि लोकुल्‍क सामिंक विरोदमते वळ्‍कतव अन्‍नि पोल्‍लेनाहाटीं ओर्क सिक्‍सा हियमळ जर्गंता,” इंचि वेहतोर.

पेन हुपिस्‍ता पोल्‍लें 22:20

इव अन्‍नि पोल्‍लेना गवाइ हीता येसु सामि, “हो नना बिरानेन वासेक मंतन” इंचि वेहासेक मंतोर. आमीन! वा! येसु सामि वा!

पेन हुपिस्‍ता पोल्‍लें 22:4

ओर दाना मोकोम हूळांतुर. ओरा कपालमपोर्रो पेनदा पोरोल रासि मनंता.