पेन हुपिस्‍ता पोल्‍लें 1:6 - पवित्र पोल्‍ले

⁶ मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!

पेन हुपिस्‍ता पोल्‍लें 1:6 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

रोम सहरतोरहाटीं पौलुसना सिट्‍टि 15:6

इल्‍हा मिमेट अंटोर उंदे मनसु, उंदे लेंग आसि मना सामि येसु किरिस्‍तुना पेनबाबन तल्‍सकुना परांतिर.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

1 तिमोति 6:16

ओन्क बस्‍केने हामुर हिल्‍ले. मनम बोरे होना पर्रोम असोंटा वेल्‍गुने ओर मनंतोर. ओन इदवेरादाका बोरे हूळा हिल्‍लुर, बस्‍केने हूळा परुरगुडा. अंटावुंकन्‍ना बलमाता आ पेनदुके बस्‍केळ्‍क कदर दोर्कि. आमीन.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 5:11

दानादे राज्येम युगा-युगाल्‍कुनदाका मन्‍निकांटी, आमीन.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 4:11

“निमेने ई दुनियाता अन्‍नि वस्‍तुक तयार कीतिन, इव अन्‍नि नीवा इच्‍चा परकारम तयार आतां. नीवा इच्‍चा परकारमे मंतां, निमेने मावा पेन, मावा सामिन आंदिन. महिमा, स्‍तुति आनि ताकत नीवदे आंदु,” इंचि इंतुर.