पेन हुपिस्‍ता पोल्‍लें 1:3 - पवित्र पोल्‍ले

³ पेनदाहेंदाल वाता ई वायाना कालमते जर्गना पोल्‍लेन बोर अय्ते हदवंतुर, केंजांतुर आनि अव्टे रासि मत्‍ता परकारम ताकंतुर ओर आसिर्वाद दोर्कतोर आंदुर. बारित्‍ते इव पोल्‍लें जर्गना वेला दग्गेर्क एवता.

पेन हुपिस्‍ता पोल्‍लें 1:3 Iomraidhean Croise

मत्‍तयाल 24:15

दानिएल पोरोलता पेनदा कबुरतोर वेहताप, बोरे हय्‍सवसोंटा नासडेम कियाना वस्तु, गुळि लोप्पो पवित्र जेगाते नित्‍तिसि मत्‍तद मिमेट हूळकिर (हद्‍वानोर इदुन अर्तम कीकुंटु.)

लूकाल 11:28

अस्‍के येसु, “गानि बोर अय्ते पेनदा वचनाल्क केंजसि अवुन पीसि ताकंतोरो ओर एक्‍को आसिर्वाद दोर्कुतोर आंद,” इंचि इत्‍तोर.

रोम सहरतोरहाटीं पौलुसना सिट्‍टि 13:11

मिमेट इवन्‍नि तप्‍पाकोंटा कियना. मनाहाटीं दुनियाताल मुक्‍ति हियना पेनदा वेला वेल्‍लेन दग्‍गेरा एव्ता. मनम सामिन विस्वासम कीता आ वेलाकन्‍ना, इंदके मना मुक्‍ति दग्‍गेरा मंता. अदुनहाटीं मिमेट निद्रताल तेदाना वेला वाता. तेदसि वेलातुन एरपाट कीसि ताकट.

रोम सहरतोरहाटीं पौलुसना सिट्‍टि 13:12

इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

2 पत्रु 3:8

गानि पावरमगल्‍लोरिटा! सामिनगा उंदि रोजु वेय वर्सानालेसीं आनि वेय वर्सां उंदि रोजुनलेसीं मनंतां इद पोल्‍लेतुन मति मर्गमटु.

पेन हुपिस्‍ता पोल्‍लें 22:10

अद दूता मर्रा नातोनि, “इद पुस्तकमते वेह्‍चि मत्‍ता पोल्‍लें निजम आयाना वेला दग्‍गेरा एवता, अदुनहाटीं इद पुस्तकमतुन निमे मक्‍किचि इर्रुमा,” इंचि इत्‍ता.

पेन हुपिस्‍ता पोल्‍लें 22:12

पजा येसु सामि, “हुळाट! नना बिरानेन वासेक मंतन. हरेक मनकंक ओर कीता कबाह्‍कुन पीसि, ओन्क इनाम हींतन.

पेन हुपिस्‍ता पोल्‍लें 22:20

इव अन्‍नि पोल्‍लेना गवाइ हीता येसु सामि, “हो नना बिरानेन वासेक मंतन” इंचि वेहासेक मंतोर. आमीन! वा! येसु सामि वा!

पेन हुपिस्‍ता पोल्‍लें 3:11

नना बिरानेन निहागा वांतन. नीवा किरिटमतुन निहागटाल बोरे गुंजा मन्‍नि इंचि, निहागा बतलय्ते विस्वासम मंता अदुन इंका गट्‍टिगा पीसि ताका.