पेन हुपिस्‍ता पोल्‍लें 1:18 - पवित्र पोल्‍ले

¹⁸ नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 1:18 Iomraidhean Croise

मत्‍तयाल 11:23

“ए कपर्नाहुम सहरता लोकुरिटा, मिमेट स्वर्गमते दांतोम इनकुंचंतिरा? मिमेट नरकमते दांतिर. ओक्‍कला मिहगा जर्गता अद्‍बूताल्‍क सदोम सहरते जर्गिसि मत्‍ते, अद सहर इदवेरादाका आगवड.

मत्‍तयाल 16:19

नना नीकु स्वर्ग राज्येमता तालम कय्‍क हीसंतन, निमे बूमिपोर्रो बदुन अय्ते दोहंतिनो, अदुन स्वर्गमतेगुडा दोहमळ जर्गंता. निमे बूमिपोर्रो बदुन अय्ते लेहांतिनो, अदुन स्वर्गमतेगुडा लेहमळ जर्गंता.” इंचि इत्‍तोर.

लूकाल 24:5

अस्‍के अव इरगा वेरियसि तल्‍ला हिळु वराहचि दंडम दोस्तां. पजा ओर मनकालोर अवुन इल्‍हा इत्‍तुर. “जीवाते मनना मनकन हातोरव्टे बारि पह्कसेक मंतिट?

योहान 11:25

अद केंजसि येसु, “हातोर्कुन तेहानोन आनि पिस्वरतुन ननाने आंदुन. नापोर्रो विस्वासम कीतोर, हायिनागानि मर्रा जीवाते तेदांतुर.

योहान 14:19

इंका कोन्‍नि रोजकु आता पज्जो, दुनियातोर नाकुन हूळा परुर, गानि मिमेट नाकुन हूळा परकिट. बारित्‍ते नना जीवातेन मनंतन, मिमेट इंका जीवातेन मंदकिर.

रोम सहरतोरहाटीं पौलुसना सिट्‍टि 6:9

किरिस्‍तु हामुरताल मर्रा जीवाते तेदतोर, ओर मर्रा बस्‍केने हायोर. अचोने आयका हामुरता ताकत ओन बस्‍केने बतल किया पर्रो, इद मनाकु एरपाटे.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

गलातिया 2:20

नाकुन किरिस्‍तुनतोनि क्रुसुनपोर्रो वेलाड वाटमळ जर्गता इत्‍ते, इंदके नावा पळाना पिस्वर हासोत्‍ता. गानि नावा लोप्पो किरिस्‍तु जीवाते मंतोर. इंदके नावा ई मेंदुलते मनना जीवा, नाकुन बच्‍चोनो पावरम कीसि नावाहाटीं ओना जीवातुन हीता पेनदा मर्रिनपोर्रो नना विस्वासम कीताहेंका दोर्कतद आंद.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 7:16

उंदि कानदानतोर पेर्मालोर आयाना, इंचि मूसाना नियमते रासतद मंता. गानि येसु आ हिसाबते पेर्मल आया हिल्‍लोर. ओनगा बस्‍केळ्‍क पिस्सि मनना बलम मंता, अदे बलमते ओर पेर्मल आतोर.

इब्रि 7:25

अदुनहाटीं येसु, ओनाहेंदाल बोर अय्ते पेनदागा वांतुरो, ओराहाटीं विनंति कियालय ओर बस्‍केळ्‍क जीवातेन मनंतोर. इल्‍हा येसु माकुन पुरागा पिसागोटा पर्रांतोर.

पेन हुपिस्‍ता पोल्‍लें 10:6

पजा अद दूता, बोर अय्ते स्वर्गमतुन आनि अव्टे मनना अन्‍निटवुन, बूमितुन आनि अव्टे मनना अन्‍निटवुन, समुद्रमतुन आनि अव्टे मनना अन्‍निटवुन तयार कीतोर, बस्‍केळ्‍क जीवाते मनना आ पेनबाबाना पोरोलते ओट्‍टु तिंचि इल्‍हा इत्‍ता, “इंका आल्सेम आयो.”

पेन हुपिस्‍ता पोल्‍लें 15:7

अस्‍के आ नालुं जिवरासिनाल उंदि जिवरासि, अव एडुं दूतांक, बंगारमता एडुं वाटिं हिता. आ वाटिने युगा-युगाल्क जीवाते मंदना पेनदा होंग निंडिस मत्‍ता.

पेन हुपिस्‍ता पोल्‍लें 2:8

स्मुरना सहरता कलिसियाता दूताक इल्‍हा रासा. बोर अय्ते मोदोल आनि आकिर आंदुर, बोर अय्ते हासि मर्रा जीवाते तेदतोर ओर बतल इंतोर इत्‍ते,

पेन हुपिस्‍ता पोल्‍लें 20:13

अस्‍के समुद्रम, दानागा हासि मत्‍तोर्कुन अप्पजेपता. पातालम आनि नरकम, अवुनगा हासि मत्‍तोर्कुन अप्पजेपता. ओर कीता कबाह्‍कुन पीसि ओरा अंटोरा न्‍यायम कियमळ जर्गता.

पेन हुपिस्‍ता पोल्‍लें 20:14

पजा पातालमतुन आनि नरकमतुन तळमिता सेरवुने वाटमळ जर्गता. ई तळमिता सेरवु इत्‍ते रोंडो हामुर आंदु.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,

पेन हुपिस्‍ता पोल्‍लें 4:9

बस्के अय्ते अव नालुं जिवरासीं, राजगद्‍देपोर्रो उद्‍दिस मत्‍ता बस्‍केळ्‍क जीवाते मनना पेनदा स्‍तुति, महिमा, दन्यवाद कींतां,

पेन हुपिस्‍ता पोल्‍लें 5:14

अस्‍के जीवाते मनना नालुं जिवरासीं “आमीन” इत्‍तां. पजा पेद्‍दाल्क टोंगरां ऊनसि आरादना कीतुर.

पेन हुपिस्‍ता पोल्‍लें 6:8

पजा नाकु अगा उंदि पस्पु रंगुना गुर्रम दिस्ता. आ गुर्रमपोर्रो उद्‍दिस मत्‍तोना पोरोल हामुर, ओना पज्जो-पज्जो नरकम वासेक मत्‍ता. ओन्क बूमिता नालुं बागाल्कुनाल उंदि बागमपोर्रोटा लोकुल्‍कुन कसेरते, कर्वुने, बिमार्कुने आनि केडाता जिवरासिन हेंदाल नासडेम कियाना अदिकारम हियमळ जर्गता.

पेन हुपिस्‍ता पोल्‍लें 9:1

पजा हेय्युंगो दूता तूताकोम उह्कता, अस्‍के मब्बुनाल उंदि सुक्‍का बूमिपोर्रो अरता. आ सुक्‍काक वेल्‍लेन लोत मत्‍ता पोक्‍काता चाबि हीतद नना हूळतन.