पेन हुपिस्‍ता पोल्‍लें 1:16 - पवित्र पोल्‍ले

¹⁶ ओर ओना तिना कय्‍दे एडुं सुक्‍कान पीसि मत्‍तोर. ओना तोळ्‍दाल रोंडु बाजुकुंक आयदार्क मत्‍ता कसेरलेसीं पेय्सेक मत्‍ता. पिय्यल आतस्के पोळ्‍दु बल्हा मेर्संता अल्हा ओना तोड्‍डि मेर्सेक मत्‍ता.

पेन हुपिस्‍ता पोल्‍लें 1:16 Iomraidhean Croise

मत्‍तयाल 17:2

अगा ओरा मुन्‍ने ओना रूपम मारिय्ता. ओना मोकम पोळ्‍दुनलेसीं मेर्सता, ओना कपडिं वेल्‍गुनलेसीं तेल्‍लगा आतां.

प्रेरितुल्‍कुना कबाह्‍क 26:13

होननेंके पिय्यल आता नना हर्देने मत्‍तन, अस्‍के मब्बुनाल उंदि पोळ्‍दुंकन्‍ना एक्‍को वेलगु नावा आनि नातोनि मत्‍तोरा सुट्‍टु मेर्सता.

इपीसि 6:17

इंका मुक्‍तितुन हेल्‍मेटलेह्का तल्‍लक कळाह्सि, आत्माता कसेर इत्‍ते पेनदा पोल्‍लेतुन कसेरलेह्का कय्‍दे पीकुंटु.

इब्रि 4:12

बारित्‍ते पेन वेहता ई पोल्‍ले, जीवा मत्‍तद आनि बलमगल्‍लद आंद, अद रोंडु बाजकुनाल करा-करा मनना कसेरकन्‍ना एक्‍को करा-करा मंता. अद बल्हा बोक्‍कानाल पूलगुन वेरे-वेरे कींता, अल्हेन आत्माताल जीवातुन वेरे कींता. इंका अद मनसुना विचाराल्कुन, अवुना उद्‍देसाल्कुना बारेमते बरोबर वेहा पर्रंता.

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 10:1

पजा, उंदि ताकतवर दूता मब्बु तेर्पेतुन मुच्‍कुंचि स्वर्गमताल हिळु रेय्‍सि वायानद नना हूळतन. दाना तल्‍लापोर्रो सिंगिड मत्‍ता. मोकोम पोळ्‍दुनलेसीं आनि काल्क तळमिता कंबालेसीं मत्‍तां.

पेन हुपिस्‍ता पोल्‍लें 12:1

अद आता पजा, स्वर्गमते नाकु उंदि पेद्‍दा चिन्‍ह दिस्ता. अद बतल इत्‍ते, उंदि मुरतळ पोडदुन कप्पिडलेसीं पोंडसि मत्‍ता. दाना काल्कुना हिळु वेळसि आनि तल्‍लापोर्रो बारे पन्‍नेंड सुक्‍काना किरिटम मत्‍ता.

पेन हुपिस्‍ता पोल्‍लें 19:15

अन्‍नि देसेल्‍कुनोर्कुन हव्कनाहाटीं ओना तोळ्‍दाल उंदि वेल्‍लेन करा-करा मत्‍ता कसेर पलाते पेय्संता. ओर आ देसेल्‍कुनापोर्रो कडक राज्येम ताकसंतोर आनि अन्‍निटकन्‍ना सक्‍तिमंतुड पेनदा होंगुना अंगुर रसमता गानगु पोक्‍कातुन जारांतोर.

पेन हुपिस्‍ता पोल्‍लें 19:21

कळमातोर्कुन बारे आ गुर्रमपोर्रो उद्‍दिस मत्‍तोना तोळ्‍दाल पेय्सता कराकरा कसेटे हव्‍कमळ जर्गता. पजा पिटें वासि ओरा अंटोरा हव्‍विन पीरमेड तित्‍तां.

पेन हुपिस्‍ता पोल्‍लें 2:1

इपीसि सहरता कलिसियाता दूताक इल्‍हा रासा. बोर अय्ते ओना तिना कय्‍दे एडुं सुक्‍कां पीसि मनांतोर, आनि बंगारमता एडुं दीसोडिन नड्‍डुम तिरियंतोर इव ओना पोल्‍लें आंदु.

पेन हुपिस्‍ता पोल्‍लें 2:12

पेर्गममता सहरता कलिसियाता दूताक इल्‍हा रासा. बोर अय्ते रोंडु आयदार्कुना कसेर पीसि मनांतोर ओर बतल इंतोर इत्‍ते,

पेन हुपिस्‍ता पोल्‍लें 2:16

अदुनहाटीं मीवा मनसु मार्सकुंटु. इल्‍हा कियाकोंटे नना बिरानेन मिहगा वासि, ना तोळ्‍दा कसेरतोने ओरतोनि लडाइ कींतन.

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.