पिलिपिया 3:6 - पवित्र पोल्‍ले

⁶ जोसने वासि, नना कलिसियातुन वेल्‍लेन तकलिप कियुंदुन. इंका मूसाना नियम परकारम नीतिते ताकमळते अय्ते नना बदे तप्‍पु किया हिल्‍लेन.

पिलिपिया 3:6 Iomraidhean Croise

मत्‍तयाल 23:25

अरे डोंगि दर्मसास्‍त्रम कराहना गुरुल्क आनि परिसिल्कुनिटा, मीकु गोसा तप्‍पो. बारित्‍ते, मिमेट गिन्‍नें-गिलासकु सिराप लोकुल्‍कुंक दिसालय पलाताल तोमसि साप कींतिर, गानि लोप्पो मात्रम मीवा कराब गुनाल्‍क, पापाल्क निंडिस मंतां.

मत्‍तयाल 5:20

नना मीकु वेहासेक मंतन केंजट. दर्मसास्‍त्रम कराहना गुरुल्क आनि परिसिल्क ईरकन्‍ना मिमेट एक्‍को नीतिमंतुल्क आयवा स्वर्ग राज्येमते नेंगा पर्रिट.

लूकाल 1:6

ओर इव्वुरगुडा पेनदा नदरते नीतिमंतुल्क मत्‍तुर आनि सामि वेहता अन्‍नि नियमकु आनि आदेसकुन पीसि दोसेम हिलाकोंटा ताकुंदुर.

प्रेरितुल्‍कुना कबाह्‍क 21:20

पौलुस वेहतद केंजसि पेद्‍दाल्क अंटोर पेनदा स्‍तुति कीतुर. पजा पौलुसुन, “दादा, बच्‍चोनो वेय्‍कुना मंदि यहुदिल्कु इगे विस्वासुल्‍क आतुर इत्‍ता संगति निमे हूळसेकेन मंतिन. ओर अंटोर मूसाना नियमतुन बेस पीसि ताकसेक मंतुर.

प्रेरितुल्‍कुना कबाह्‍क 22:5

पेद्‍दा पेर्माल आनि अंटोर यहुदि पेद्‍दाल्क नावा ई कबळहाटीं गवाइ मंतुर. अचोने आयका दमिस्‍क सहरते मनना यहुदि दादालोर्कुंक सिट्‍टिं रासि दमिस्‍क सहर होनालय पेय्सतन. अगा होंचि पेनदा हर्रि पीसि ताकानोर्कुन दोर्कापीसि येरुसलेमते तच्‍चि, ओर्कु सिक्‍सा आयगोम. इदे नावा उद्‍देसम मत्‍ता.”

प्रेरितुल्‍कुना कबाह्‍क 26:5

(यहुदिल्क मोदोटाले नाकुन एरपाट कींतुर. अदुनहाटीं नावा बारेमते गवाइ वेहाना ओरा मनसु मत्‍ते, मावा दर्मता रीति-रिवाजकुन अंटोर्कन्‍ना एक्‍को नोमानोन ननाने इंचि ओर वेहा परांतुर) मावा दर्मतां रीति-रिवाजकुन, परिसिल्कु अंटोर्कन्‍ना एक्‍को नोमुंदुर, अवने नना वरोन परिसिन आंदुन. इदुन यहुदिल्कु बेस एरपाट कींतुर. ओर इनकुत्‍ते इद पोल्‍लेता गवाइगुडा हिया परांतुर.

प्रेरितुल्‍कुना कबाह्‍क 8:3

साऊल बारे कलिसियातोर्कुन तकलिप हियमळ सुरुव कीतोर. ओर लोन-लोन होंचि मुर्ताह्क इनाका मांडसा इनाका अंटोर्कुन इग्गिसि ओसि जेलने वाटालय दल्‍गुतोर.

रोम सहरतोरहाटीं पौलुसना सिट्‍टि 7:9

दीनकन्‍ना मुन्‍ने मूसाना नियमतुन एरपाट कियाकोंटेन पिस्सेक मत्‍तन. गानि बस्के अय्ते मूसाना नियमते मत्‍तव अन्‍नि आदेसकु नाकु तेळियतां, अस्‍के नावा लोप्पो पापम कबळ कियालय दल्‍गिसि, नना पेनदा मुन्‍ने हासोत्‍ताप आतन.

1 कुरेंति 10:32

यहुदि लोकुल्‍कुंक, युनानि लोकुल्‍कुंक आनि कलिसियातोर्कुंक अड्‍डम आयाना लायक मनमट.

1 कुरेंति 15:9

बारित्‍ते, नना अंटोर प्रेरितुल्‍कुन लोप्‍पो सिन्‍नोन आंदुन, नना पेनदा कलिसियातोर्कुन तिप्‍पल्‍क कीतोन आंदुन. अदुनहाटीं प्रेरित इनना लायकगुडा हिल्‍लेन.

पिलिपिया 2:15

अस्‍के मिमेट बतले दोसेम हिलवा बेस लोकुल्‍क आकिट. तप्‍पुड कबाह्‍क किय्‍याना ई दुनियाता लोकुल्‍कुना नड्‍डुम आनि पापि लोकुल्‍कुना नड्‍डुम मिमेट बतले दोसेम हिलवोर आसि पेनदा मर्क-मियाह्कुनलेसीं मंदकिट. इंका मिमेट हीकटते पिस्वर पिस्सना लोकुल्‍कुना नड्‍डुम पोत्‍तना वेडसीलेसीं दिसकिट.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

1 तिमोति 1:13

मुन्‍ने नना बदनाम कियुंदुन, तकलिप हियुंदुन, तेंडसि पोहचि वळ्‍कुंदुन. अयना नाकु सामिना दया दोर्कता, बारित्‍ते नना कियानद बतलो तेळियका, अविस्वासमते अल्हा कीतन.