पिलिपिया 3:18 - पवित्र पोल्‍ले

¹⁸ बारित्‍ते वेल्‍लेटुर लोकुल्‍क किरिस्‍तु क्रुसुनपोर्रो हातोर इत्‍ता पोल्‍लेक विरोदमते ताकसेक मंतुर. ओर किरिस्‍तुना क्रुसता पगातोर आंदुर. ओरा बारेमते नना मीकु बच्‍चुंगो मल्कां वेहतन, इंदकेगुडा अळसेके वेहासेक मंतन.

पिलिपिया 3:18 Iomraidhean Croise

लूकाल 19:41

पजा येरुसलेम सहरता दग्‍गेरा एव्‍तस्‍के, अद सहरतुन हूळसि येसु अळतोर.

प्रेरितुल्‍कुना कबाह्‍क 20:19

यहुदिल्कुनाहेंदाल नाकु बच्‍चोनो कस्‍टाल्‍क वातां. अयना, नना मनसुनाल गरिब आसि अळसेके सामिना सेवा कीतन.

1 कुरेंति 1:18

क्रुसता पोल्‍ले वेहमळ इत्‍ते नासडेम आयानोराहाटीं मुर्कतनम आंदु, गानि पेन मनाकुन पिसागोटता, अदुनहाटीं पेनदा पोल्‍ले मनाकु बलम आंदु.

1 कुरेंति 6:9

अन्‍यायम कियाना लोकुल्‍क पेनदा राज्येमते वारसदार आयुर इंचि मीक तेळियोना? मिमेट दोकाते अरमट. व्यबिचारम कियानोर, बोम्मांक मोळ्‍कानोर, बोगमतनम कियानोर, मांडसा मांड्‍सातोनि बोगमतनम कियानोर, मुरतळ मुरतळतोनि बोगमतनम कियानद, दोंगातनम कियानोर, आस्‍ति कियानोर, कल्‍लु उनानोर, तेराहनोर, इंकावरोन मुळाहनोर पेनदा राज्येमता वारसदार आयोर.

2 कुरेंति 11:13

बारित्‍ते इसोंटा लोकुल्‍क आबद्‍दम प्रेरितुल्क आंदुर. ओर आबद्‍दम वळ्‍कंतुर, ओर इंकावरोन पसांचना कबळ कींतुर, ओर किरिस्‍तुना प्रेरितुल्‍कुनालेसीं मनंतुर.

2 कुरेंति 11:29

बोरन्‍ना विस्वासि विस्वासमते कमजोर आते, ननागुडा कमजोर आताप नाक अनपिच्‍चोना? बोरन्‍ना मनकल इंकावरोन विस्वासमताल अरहानय्ते नाक होंग वायोना?

2 कुरेंति 2:4

नना नावा मनसुनाल वेल्‍ले दुक्‍कमते, बादाते अळसेके अद सिट्‍टि रासि मीक लोहतन. नना मीक दुक्‍कम कियालय आयो गानि मीवापोर्रो नावा पावरम बच्‍चो वेल्‍ले मंता, अद मीक तेळियगोम इंचि नना रासि मत्‍तन.

गलातिया 1:7

असल निजम बतल इत्‍ते, वेरे बदे बेसता कबुर हिल्‍ले. गानि इच्‍चुर लोकुल्‍क मंतुर ओर मीकुन गयबेत कीसि किरिस्‍तुना बारेमता बेसता कबुरतुन बदलांचलय हूळसंतुर.

गलातिया 2:14

पजा ओर बेसता कबुरता सत्‍तेमतुन एरपाट कीसि ताकसेक हिल्‍लुर इंचि नाकु तेळियतस्के नना केपन, “निमे यहुदि जातितोन आसिगुडा यहुदिल्कुना रीति-रिवाजकुन पीसि ताकसेक हिल्‍लिन. असोंटस्के यहुदि आयवोर्कुन यहुदिल्कुना रीति-रिवाजकुन पीसि ताकालय बारि जबरदस्‍ति कीसंतिन?” इंचि अंटोर मुन्‍नेन पूसकीतन.

गलातिया 2:21

पेनदा कुर्पातुन नना विलवा हिल्‍ले इंचेक हिल्‍लेन. गानि मूसाना नियम परकारम ताकसि मनकालोर नीतिमंतुल्क आयानय्ते मनाहाटीं येसु किरिस्‍तु हायना अव्‍सरम मनाहिल्‍ले मरि.

गलातिया 6:12

नालुरा मुन्‍ने नना बेसतोन इंचि हुप्‍सानोर, ओरे मीकुन कतना कियागोम इंचि बल्‍मि कींतुर. इल्‍हा बारि कींतुर इत्‍ते, किरिस्‍तुना क्रुसताहेंका वायाना तकलिपताल तपिच्‍कुननाहाटीं ओर इल्‍हा कींतुर.

गलातिया 6:14

गानि नना अय्ते, मना सामि येसु किरिस्‍तु क्रुसुनपोर्रो हातोर इंचि विस्वासम कींतन, दीन पोर्रेने नाकु पूरा विस्वासम मंता. आ क्रुसुनहाटींगे दुनियाता पोल्‍लें नाक कलियों, नावा पोल्‍लें ओर्क कलियों.

इपीसि 4:17

अदुनहाटीं सामिना पोरोलते नना मीकु विनंति कीसि वेहानद बतल इत्‍ते, यहुदि आयवोर बल्हा ओरा बत्‍तक ओज्जुवा विचाराल्कुन परकारम ताकंतुरो, अल्हा मिमेट इंदकेटाल मर्रा ताकमट.

पिलिपिया 1:4

बेसता कबुर केंजसि विस्वासम कीता रोजुनाल अय्ते इदवेरदाकागुडा बेसता कबुरतुन वेहना नावा कबळते मिमेट नाकु तोळ मंतिर. अदुनहाटीं नना बस्के-बस्के अय्ते पारतना कींतन अस्‍के-अस्‍के वेल्‍लेन कुसिते मीवाहाटीं पारतना कींतन.

1 तेसलोनि 4:6

दीना बारेमते बोरे आयिर दंटाता विस्वासिन पसांचामन्‍नि, पसांचते सामि ओर्क सिक्‍सा हींतोर इंचि मोमोट मीक मुन्‍नेने गट्‍टिगा वेहतोम.

2 तेसलोनि 3:11

गानि मिहगा इच्‍चुर लोकुल्‍क लंडोर्क मंतुर, ओर बतले कबळ किय्युर, सिराप इंकावरोना जोलिक होनना कबाह्‍क कीसेके मनंतुर इंचि मोमोट केंजतोम.

2 पत्रु 2:10

कास कीसि, बोर अय्ते पापमते अल्हेन मेंदुलता आसेता अदिकारमते मंतुर, ओर इरगा गर्रा आनि जिद्‍दिते निंडसि मत्‍ताहेंका स्वर्गमकु संबंदिंचि मत्‍तोर्कुनगुडा तेराहलय वेरियुर.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.