पिलिपिया 3:13 - पवित्र पोल्‍ले

¹³ विस्वासुल्‍कुनिटा! नना अगा एवतन इंचि विचारम किय्योन, गानि इद कबळ कींतन. पज्जो जर्गता पोल्‍लेन मति मरंग्सि, मुन्‍ने जर्गना पोल्‍लेन अंदकुनालय वित्सेक मंतन.

पिलिपिया 3:13 Iomraidhean Croise

लूकाल 10:42

गानि असल उंदे कबळ कियना अवसरम मंता. मरियम आ बेस कबळतुन पेरकुत्‍ता. अदुनहाटीं दानगटाल अद कबळतुन बोरे इगुकुन्‍ना परुर,” इत्‍तोर.

लूकाल 9:62

अस्‍के येसु ओन इत्‍तोर, “पज्जो वांतन इंचि पेय्सि, मर्रा पजोळ्क मल्सि हूळना मनकल पेनदा राज्येमता सेवा कियनालायक हिल्‍लोर,” इंचि इत्‍तोर.

2 कुरेंति 5:16

अदुनहाटीं इंदके मोमोट मनकना विचारम मत्‍ताप हूळना आयो. मोमोट किरिस्‍तुनगुडा मनकना विचारम मत्‍ताप हूळसि मत्‍तोम, गानि इंदके ओन अलग नदरते हूळांतोम.

पिलिपिया 2:12

अदुनहाटीं नावा पावरमगल्‍ला विस्वासुल्‍कुनिटा! नना मीकु वेहनद बतल इत्‍ते, नना मीवातोनि मत्‍तस्के बस्‍केळ्‍क मिमेट नना वेहतापे ताकतिट. इंदके नना मीवातोनि हिलाकोन्‍ना गानि अस्केटदानकन्‍ना एक्‍को जेगर्ताते सामिना आदेसकुन पीसि ताकट. पेनदा इच्‍चा परकारम बतलन्‍ना कीकुनगोम इंचि मीवा मनसुने वाता इत्‍ते, अद इच्‍चा पेने मीवा मनसुने वाटता. अदुन पूरा कियालय गावाले मत्‍ता ताकतगुडा मीकु पेने हींता. इंचि पेनदुन बेस कदर कीसेके, वेर्रे कोद्‍दिगा पेन हीता मुक्‍ति परकारम मत्‍ता कबाह्‍क कीसेके पिस्‍सट.

पिलिपिया 3:12

पोर्रो बव पोल्‍लें अय्ते रासतन, अव नावा पिस्वरते पूरा आतां इंचि वेहोन. अगा एवतन इंचि इनोन, गानि बगा एवालय अय्ते किरिस्‍तु नाकुन पीतोर, अगा एवालय नना वित्सेक मंतन.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

इब्रि 6:1

अस्‍के किरिस्‍तुना बारेमते सुरुवने करियता बोदाना बारेमते मर्रा-मर्रा वळ्‍कमळ होळसिसि, गिचचो मुन्‍नेळ्‍क होंचि पेद्‍दा बेर्सतोरालेक्‍कते दाकोम. मरुंदि मल्का हामुरतेके ओयाना कबाह्कुनाल मनसु मार्सकुन्‍मळ, पेनदापोर्रो विस्वासम इरमळ,

2 पत्रु 3:8

गानि पावरमगल्‍लोरिटा! सामिनगा उंदि रोजु वेय वर्सानालेसीं आनि वेय वर्सां उंदि रोजुनलेसीं मनंतां इद पोल्‍लेतुन मति मर्गमटु.