पिलिपिया 3:1 - पवित्र पोल्‍ले

¹ विस्वासुल्‍कुनिटा! आकिरते नना इंकुंदि मल्का वेहांतन, पेनदापोर्रोटा मीवा विस्वासमते मिमेट कूस मंटु. रासता पोल्‍लेंगें ऊके-ऊके रासालय नाक बतल तकलिप आयो. बारित्‍ते इव पोल्‍लें मीकुन तप्‍पुड बोदानाल कापाळंतां.

पिलिपिया 3:1 Iomraidhean Croise

मत्‍तयाल 5:12

मीकन्‍ना मुन्‍नेटा पेनदा कबुरतोर्कुनगुडा लोकुल्‍क इल्हेने तकलिप कीतुर. अदुनहाटीं मिमेट कुसिते मंटु, आनंदमते मंटु. स्वर्गमते मीकु पेद्‍दा इनाम दोर्कंता.”

लूकाल 1:47

नाकुन पिसागोटना पेन नावा आत्माकु कुसि हीता.

रोम सहरतोरहाटीं पौलुसना सिट्‍टि 5:11

सिराप इच्‍चोने आयो गानि मना सामि येसु किरिस्‍तुनाहेंदाल मनम पेनतोनि मर्रा कलियतोम, अदुनहाटीं मनम वेल्‍लेन कुसिते मंतोम.

2 कुरेंति 13:11

विस्वासुल्‍कुनिटा! नना आकिरते वेहानद इदे गदा, कुसिते मंटु. मीवा गुनम बेस इर्राट, वरोंक-वरोर दैरनेम हीम्टु, उंदि मनसुने मंटु, सांतिते मंटु, अस्‍के पावरम आनि सांति हियाना पेन मीवातोनि मनंता.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 3:3

गानि मनकालोरा कबाह्कुनपोर्रो बरोसा इरताहेंका मनाकु मुक्‍ति दोर्कता इंचि आयो. येसु सामि मनाकुन पिसागोटतोर इंचि ओन्क मनम बस्‍केळ्‍क कदर हींतोम. अदुनहाटीं पेनदा आत्मा वेहताप दान मोळ्‍कानोरम मनमे निजम कतना आतोरम आंद, ओर आयुर.

पिलिपिया 4:4

मिमेट सामिना लोप्पो बस्‍केळ्‍क कुसिते मंटु, नना मर्रा इदे पोल्‍ले वेहासेक मंतन मिमेट बेस कुसिते मंटु.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

1 तेसलोनि 5:16

बस्‍केळ्‍क कुसिते मंटु.

याकोब 1:2

नावा विस्वासुल्‍कुनिटा, बस्के अय्ते मीवापोर्रो तीर-तीराता परिक्‍सां वांतां, अस्‍के अद मीवा पूरा आनंदमता पोल्‍ले इनकुंटु.

1 पत्रु 3:8

आकिरते, मिमेट उंदि मनसुने वरोंक-वरोर पावरम कियमळते, उंदि लोतोरलेसीं जीवा कियमळते, इंकावरोनहाटीं जीवा नोयमळते, सादा-सिंपल मनमळते अंटोर उंदि आसि मंटु.

2 पत्रु 3:1

पावरमगल्‍लोरिटा! इद रोंडो सिट्‍टि नना मीक रासतन. इव रोंडु सिट्‍टिने मीवा पवित्र मनसुन जेगर्ताते इर्राट इंचि नना मति कीसि हीतन.